Opner grusbanen for parkering

Bildeserie:

1 av 1

I eit informasjonsskriv til medlemmane og dei næringsdrivande i Os sentrum fortel nytilsett sentrumsleiar William Lindborg at det vil bli opna for 8 timars parkering på grusbanen mellom Os kyrkje og ungdomsskulen.

– Då ulike delar av sentrum blir råka av grave og bygningsarbeid i samband med opprustinga av bydraget, har Os ungdomskule og Jadakameratene IL gjeve løyve til å nytta grusbanen til parkering frå veke 9 til og med veke 12, skriv Lindborg i meldinga.

La kundane få korttidsplassane

Han oppmodar samstudes dei som har arbeidsplassen sin i sentrum om å nytta langtidsparkeringa og ikkje korttidsparkeringane berekna på kundar og besøkande.

– Fleire melder at det er mange av dei som arbeider i sentrum som nyttar kortidsparkeringane gjennom heile arbeidsdagen. Vi som har Os sentrum som arbeidsplass, må gå i oss sjølve og bruka dei langtidsparkeringane som finst. Dette for å gjera det enkelt for dei som er kundar og brukarar av sentrum.

Dette er langtidsplassane

Os kommune sine gratis 8-timars parkeringsplassar er:

• Ved Vognhallen
• Os barneskule (mellom Giskavollen og Byvegen)
• Landboden (ved Kløvertun og svømmehallen)
• Esso (mot Hatvikvegen)
• Grusbanen (fra 25.02.17 – 26.03.17)