Os 2 vann 15-0!

Bildeserie:

1 av 9

Os 2, som speler i 5. divisjon i år etter nedrykk i fjor, har hatt ein god vinter. I treningskampar har dei blant anna slått Djerv, som rykte opp til 4. divisjon i fjor, og Viking sitt juniorlag, men spelt uavgjort mot Søfteland.

På Kypros for ei god veke sidan blei det 10-1 mot eit lag frå Sveits, i kveld blei det endå meir målrikt - mot Fitjar.

Fitjar speler i same avdeling som Søfteland (5. div) i år.

– Dei ba oss om treningskamp, men sa ifrå ved ankomst at dei stilte litt ungt i dag, seier Os 2-trenar Karl Kvile.

– Det var ikkje optimalt for vår del, men gutane var disiplinerte og tok det som ei øving på angrepsspel.

Os 2 - Fitjar 15-0 (7-0)
Målskårarar: Vegard Hjelle 5, Torkel Hjertnes 2, Simon Søvik 2, Ola Lekven Moberg 2, Alexander Tøssebro, Calvin (på prøvespel frå England), Steffen Kvamsdal og Ådne Onarheim.
Os 2: Erlend Hevrøy/Glenn Hjelle - Endre Brenne, Simon Moberg Søvik, Jonas Hovland, Fredrik Haustein - Rafael Villén, Calvin (frå England, på prøvespel for A-laget) - Torkel Hjertnes, Ola Lekven Moberg, Alexander Tøssebro - Vegard Hjelle.
Innbytarar med speletid: Ludvig Egge Drange, Ådne Onarheim, Steffen Kvamsdal og Anders Skaar.

– A-laget hadde nokre spelarar som trengte speletid. Brenne gav seg etter 10-12 minutt, Torkel og Rafael fekk kvar sine 60. Då blei to av dei vi skifta ut i pausen sett inn igjen.

– Det blei mange fine angrep. Den finaste skåringa var det nok dagens toppskårar, kaptein Vegard Hjelle, som sette inn. Ballen kom høgt frå midtstoppar opp til ein spiss, som la tilbake i lufta til ein Hjelle som skåra på heil volley. Ballen var med andre ord ikkje i bakken før etter at den hadde vore i nota.

• Les òg: Stallen til Os 2 er tatt ut

Før seriestart skal Os 2 spela treningskamp mot Fana 2 og Gneist.

– Då får vi nok ein betre peikepinn på korleis vi ligg an, seier Kvile.