Os blei kretsmeister i gutar 16!
Det blei målrikt då Os sikra sigeren i 1. divisjon - éin runde før serieslutt.
Bildeserie:
Os hadde klart seg med uavgjort, men tok ein suveren siger over Fana i sesongens siste heimekamp.
Det blei likevel ein spennande kveld på Kuventræ.
Os gjekk opp i 2-0, men Fana følgde opp med skåring. Også etter 4-1 reduserte gjestane.
Os - Fana 7-3 (6-3)
Målskårarar, Os: Ole Martin Lekven Kolskogen 3, Harry Moore 2, Tobias Nøss og Steffen Kvamsdal.
Os: Kay-Milan Goitovski - Markus Lund Valvik, Marius Lyssand, Vegard Strønen Skeie, Ludvig Drange, Harry James Moore, Trym Hjørnevik, Alexander Mjånes Tøssebro, Bjørnar Straumsnes, Steffen Kvamsdal, Tobias Nøss, Daniel Bjørnevik, Emre Duvarci, Ole Martin Lekven Kolskogen og Markus Myrlid.
Fana skåra på det som omtrent var dei to einaste sjansane dei hadde før pause, mens Os skapte meir enn dei fekk utteljing for i 1. omgang.
Heimelaget starta også 2. omgang bra, og auka etterkvart til 7-3.
Så jamna det seg meir ut, Fana fekk nokre fleire sjansar, men siste del av kampen blei kliss våt og utan fleire nettkjenningar.
Fana fekk òg straffe på stillinga 7-3, etter felling av tomålsskåraren ute på sida i 16-meteren, men denne hamna langt over mål.
Sjeldan vare
– Det blei nervepirrande ei stund, men no er eg berre glad og stolt av gutane.
– Det er lenge sidan Os Fotball har hatt kretsmeistarar på gutar 16-nivå, seier Gjermund Lyssand.
Os har no 27 poeng på 10 kampar og leiar no 1. divisjon med god margin før siste runde.
Sesongen blir avslutta på bortebane mot Fyllingsdalen, som ligg på 2. plass med 19 poeng.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.