Os og Fana sterk i NM
Fana Bueskytterklubb, med fleire medlemmar frå Os, tok til saman 8 medaljar i NM innandørs på Vigra.
Bildeserie:
I helga blei NM i bogeskyting innandørs arrangert på Vigra i Ålesund.
– Det var stor deltaking frå heile landet, fortel Knut-Inge Johnsen, ein av fleire osingar i Fana Bueskytterklubb.
Klubben har hatt stor vekst sidan den i 2015 blei starta og stilte med den klart største troppen; heile 29 påmeldte, pluss støtteapparat, frå 12 til 65 år.
Av 52 klubbar blei Fana Bueskytterklubb nr. 2 samanlagt. Fleire deltok i NM for første gong og hadde imponerande resultat.
– Dette var veldig inspirerande og motiverande for alle oss i klubben, seier Johnsen.
Medaljehausten såg slik ut:
3 GULL:
Lag, Longbow, herrar: Victor Hoff , Per Ivar Pahlm og Carl André Dahl.
Recurve, Rekrutt, gutar: Karl-Ludvik Tøsdal
Compound, damer 50: Kjerstin Hoff
3 SØLV:
Recurve, Kadett, jenter: Bettina Moberg Johansen
Barebow, Rekrutt, gutar: Tom-Ian Loftaas
Compound, damer 50: Solveig Lilletvedt.
2 BRONSE:
Compound , damer 50: Eli-Karin Dirdal Henriksen
Longbow, herrar: Harald Henriksen
Best av alle etter 60 piler
Dessutan var det mange imponerande individuelle prestasjonar, både av «gamle» og nye skyttarar.
– Vi vil framheva prestasjonane til dei aller yngste debutantane, 12-åringane Amalie Vikestrand og Theodor Tunold, og Malin Hustveit (15) og ikkje minst Tom-Ian Loftaas (13), som var best i sin klasse etter 60 piler innleiande skyting.
– Nøkkelen til suksessen for denne klubben er imidlertid ikkje hovedfokus på prestasjonar, men på idrettsglede, trivsel, inkludering og fellesskap – det å gje alle ei kjensle av å høyre til, seier Johnsen, og rettar ei særleg takk til hovedtrenarane Kjerstin og Victor Hoff, som bokstaveleg tala, lever og andar for klubben.
Fana Bueskytterklubb takkar også både sitt eige støtteapparat og Vigra IL Bueskyttere, for eit strålande gjennomført NM!
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.