Espen Birkeland i duell med Øystein Takle Eide i den dramatiske NM-kampen på Kuventræ i 2016. (Foto: Kjetil Vasby Bruarøy)

Os og Lysekloster direkte til «tippeligaen»

Snakk om tigersprang!

Av: Kjetil Vasby Bruarøy

Os og Lysekloster skal spela i same avdeling i 3. divisjon i år, avdeling 4 av 6. Lokaloppgjera blir 6. mai (i Lysefjorden) og 19. august (Kuventræ).

Etter omlegging av seriesystemet i fjor, der 2. divisjon blei halvert frå 4 til 2 avdelingar, skulle 3. divisjon døypast om til Regionsligaen.

No har 3. divisjon fått nytt namn; Norsk Tipping-ligaen.

Øvste nivå har som kjent tatt tilbake namnet Eliteserien før årets sesong, dermed er «Tippeligaen» ledig (og vanskeleg å unngå?) som kallenamn på årets 3. divisjon.

Ny avtale med Norsk Tipping

Namnet Norsk Tipping-ligaen kom etter at Norsk Tipping 4. mars teikna ny fireårsavtale med Norges Fotballforbund.

«Sammen skal NFF og Norsk Tipping løfte hele bredden av norsk fotball gjennom Grasrottreneren,  Fair play, Norsk Tipping- ligaen (fjerde nivå for herrer) og landslagene» heiter det i pressemeldinga.

Den totale verdien på samarbeidsavtalane mellom NFF og Norsk Tipping har no ein verdi på 25 millionar kroner per år.

Den gong 1. divisjon var på topp

Namnet på øvste nivå i norsk fotball har hatt Tippeligaen som namn sidan 1990.

Tidlegare namn på øvste nivå har vore Norgesserien (1937–1948), Hovedserien (1948–1962) og 1. divisjon (1963–1989).

Då folk heldt fram med å kalla øvste nivå for 1. divisjon blei det før 1991-sesongen lagt om sånn at nest øvste nivå fekk namnet 1. divisjon (seinare Adeccoligaen, i dag OBOS-ligaen).

Visste du dette om øvste nivå?

• Fredrikstad vann (Norgesserien) 7 av 9 første sesongar frå 1937.
• Brann vann serien på øvste nivå første gong i 1961-62 og følgde opp med siger i 1963.
• Viking vann fire år på rad på 70-talet (1972-1975).
• Rosenborg vann serien alle år frå 1990 til 2006, med unntak av 1991 (Viking) og 2005 (Vålerenga). 15 av 17, med andre ord.
• Sist Brann vann Tippeligaen var i 2007. I fjor blei det sølv, som i 2006, 2000 og 1997.
Kjelde: Wikipedia

• Os vann serien på nest øvste nivå (den gong 2 divisjon) i 1974 og fekk éin sesong på øvste nivå i 1975.
• Sist Os spelte i 2. divisjon (nivå 3) var i 2010, 2008 og 2007. Opprykket i 2006 var det første etter nedrykket i år 2000.
• Lysekloster rykte ned til «Tippeligaen» etter sin første sesong i 2. divisjon i 2016.

Os og Os 2 reiste på treningsleir til Kypros tysdag, Lysekloster reiser til Spania i dag.

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.