F.v.: Thomas Hille, Enrique Crespo Søvik og Preben Skorpen er alle klare for Os før 2017-sesongen. (Foto: Fana il/Os Fotball)

Os signerte tre nye før jul

Keeper, spiss og forsvar: – Etter eit år med skule på kveldstid er eg veldig klar for å trappa opp igjen, seier Preben Skorpen.

Av: Kjetil Vasby Bruarøy

Klar for Os: Keeper Thomas Hille (19), spiss Enrique «Kike» Crespo Søvik (22) og forsvarsspelar Preben Skorpen (21).

– Det er viktig å ikkje stressa, sa Hassan El Fakiri då Midtsiden for ei veke sidan spurde om status på spelarjakta, som til då var utan ny-signeringar.

Tidlegare denne veka fekk Os Thomas Hille på plass. Den 19 år gamle keeperen er på lån frå Fana. Han har imponert Fana nok til at det blei signering med 2. divisjonsklubben, no kjem han inn i A-troppen saman med Andrew Todd, som reiser tilbake til USA til sommaren, og Kasper Sandven Færøvik.

• Les òg: Slik spelar Lysekloster og Os (terminlista for 2017 kom òg i dag)

– Vi har god dialog med Fana og set pris på at dei viser så stor samarbeidsvilje, seier dagleg leiar i Os Fotball, Endre Brenne.

Effektiv spiss frå Bjarg

I dag blei det signert kontrakt med Enrique Crespo Søvik, som no går frå Bjarg til Os.

I 2015-sesongen skåra han 17 mål på 23 kampar for 3. divisjonsklubben som nesten heldt seg i divisjonen då den blei til Regionsligaen før 2017-sesongen.

– Han har ro og han er god med ballen, samtidig som han dirigerer og prater. Viktigast av alt, han skårer mål, seier Hassan El Fakiri til osfotball.no, og nemner 37 skåringar på 62 kampar.

Frå Lysekloster, via Søfteland, til Os

Den talenfulle forsvarsspelaren Preben Skorpen var både venstreback og midtstoppar for Lysekloster.

I 2014 spelte han 22 kampar og skåra 6 mål, i opprykkssesongen 2015 spelte han 19 kampar og skåra 5 mål.

– I år har eg gått på skule på kveldstid ved sidan av full jobb på dagtid. Då har det vore fint å kunna trena og spela med Søfteland, seier elektrikaren til Midtsiden.

I år har han skåra 9 mål på 8 kampar. Søfteland, som var nyopprykka i 2016, landa på 3. plass i 5. divisjon.

– Over nyttår får eg permisjon frå jobb og fram til sommaren skal eg gå på skule på dagtid. Då passar det bra å trappa opp igjen. Os har vist interesse for meg sidan i sommar, og etter seks sesongar i Lysefjorden er det greit å skifta miljø, seier Skorpen, på veg inn i same klubb som veslebror Eric (spiss på Os 2).

El Fakiri har svært godt inntrykk av Skorpen.

– Han er ung og talentfull, og han er frå Os, det liker vi godt. Han er òg ein spelande og tydeleg type, ein eg trur kjem til å passa godt inn hos oss.

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.