Over 3 tonn plast fjerna på dugnad

Trass grått vêr var det fleire som stilte opp denne helga, på land og i båtar, for å samla plast og anna avfall på dugnad.

• Les òg: Fylte båtane med «profesjonelt» avfall

– Det var flott innsats i Os kommune, seier Tina Skudal hos Bir.

– Vi fekk inn over tre tonn med plast i konteinarane vi sette ut. Dette er viktige bidrag for å holde strendene og fjordane reine, og for å unngåat den blir danna helseskadeleg mikroplast.

Sånn var fangsten i konteinarane som var sett ut til dugnaden:
Lepsøy: 1020 kg
Lysekloster: 220 kg
Ervikane friluftsområde: 800 kg
Sentrum ved Esso stasjonen: 320 kg
Halhjem ved fergekai: 800 kg
TOTALT 3.160 kilo

Dugnaden og fokuset på problemet kan allereie ha skapt ei betre haldning og gjort osingane meir medvitne på problemet. Dugnadsperioden, og lysten til å bidra, ser dessutan ut til å vera utvida hos enkelte.

Tysdag gjekk ein kameratgjeng og samla boss langs ei anna strandlinje, i innlandet. Oscar Lekven Fimreite, Stein Inge Andersland og Trym Aksnes fylte to bossekkar mellom garden på Moberg og brua over E39, nær Ulvenvatnet.