Over halvvegs til byen
E39 Svegatjørn-Rådal: Tek juleferie på halvvegen gjennom Lyshorntunnelen.
22. februar fekk arbeidarane på E39 mellom Os og Bergen gjennomslag i Skogafjellstunnellen.
Les òg:
• Gjennomslag i Skogafjellet
• – No ska' da smella om to minutt
• Gustav Alfred (7) fekk første tur gjennom tunnelen
• Signerte avtale på 57,5 millionar
• Denne skal sikra vatn til Os
Gjennom våren, sommaren og hausten har arbeida gått for fullt i Endelausmarka og vidare med tunneldriving i Rå-, Sørås- og Lyshorntunnelane.
– I den lengste tunnelen i prosjektet, den 9,2 kilometer lange Lyshorntunnelen er vi døyt halvvegs i mål no når vi tek juleferie, fortel Geir Brekke, kommunikasjonsrådgjevar i Statens Vegvesen.
Der står det att tilsaman over 6.400 meter i dei to tunnelløpa før det kan bli gjennomslag.
– Vonleg skjer det i siste delen av 2018. Det meste av drivinga skjer no gjennom utmark og fjellterreng.
Tek pause til 2. januar
I løpet av torsdagen og fredagen stengjer entreprenørane ned alle byggeplassane på E39 Svegatjørn-Rådal.
– Byggeplassen i Fana blir stengt i løpet av torsdagen, men det blir levering av stein til Hordnesskogen fram til fredag klokka 14. Byggeplassane i Os stenger også ned i løpet av fredagen.
– Anleggsmannskapa tek til att 2. januar. Vi i Statens vegvesen vil nytte høvet til å takke tolmodige naboar og trafikantar gjennom året som snart er over. Det blir nok framleis tungt anleggsarbeid og ikkje minst trafikkproblem også i 2018 ein del plassar, avsluttar Brekke.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.