Øydela for Vadmyra

Med siger over Os ville Vadmyra heldt liv i håp om krinsmeistertittelen for junior elite, men dei fekk uventa sterk motstand.

Kjetil Vasby Bruarøyonsdag 09. sep. 2009 20:24

Tysdag reiste Øyvind Steffensen til Loddefjord med eit juniorlag fritt for lån fro Os 2 og A-laget. I møtet med Vadmyra, som ville ha klatra frå 4. til 3. plass med siger over Os, imponerte dei unge osingane.

- Vadmyra har mange store og fysisk sterke spelarar, men vi matcha dei både i fysikk og spel, sjølv om vi berre hadde éin sisteårsjunior på laget, seier trenar Steffensen.

Heimelaget tok leiinga før pause, men 1-0 blei fort snudd.

I føringa fem minutt før slutt
Espen Kopperud skåra to kjappe mål i andre omgang. Så mista Os ballen på midtbanen, og heimelaget skåra på eit godt angrep.

- Ein retur frå keeper blei så snappa av Børge Borgen, som gav oss leiinga igjen, men 2-3 heldt ikkje heilt inn.

Os-keeper Even Bjoarvik måtte gje retur på eit godt frispark fem minutt før slutt, og heimelaget utlikna til 3-3.

- Synd at tre poeng glapp, men alt i alt eit greit resultat og ein veldig god prestasjon av gutane, meiner Øyvind.

Os junior elite spelar neste kamp på heimebane mot Brann sundag (kl 14.00).


SJÅ TABELL