Sport | 23. jan. 2015

På rekordjakt i Kristiansand

Ariel Braathen og dei andre svømmarane frå BSC reiser til Kristiansand med klare mål om nye rekordar og kvalifisering til både EM og NM.

På rekordjakt i Kristiansand
Svømmarar på tur. Foran (f.v) Heine og Sander Nilsen, Sebastian Braathen. Bak (f.v) Ingalill Urrang Naustvik, Ariel Braathen og sjåførane Britt og Bjørn Arne Braathen (Foto: Andris Hamre)
Andris Hamrefredag 23. jan. 2015 08:49

Tidlig fredag morgon satte to bilar med svømmarar frå Os og Bergen, anført av dei nordiske junior-meisterane Ariel Braathen og Sander Nilsen, turen i retning Kristiansand og årets første langbanestemne - Skagerak Swim.

Felles for dei fem, Ariel og Sebastian Braathen, Sander og Heine Nilsen og Ingalill Urrang Naustvik, er målet om å setta nye personlege rekordar og å komma i gang med den nye sesongen.

– Vi har lagt bak oss ei god treningsperiode, så no skal det bli kjekt å konkurrera igjen, smilte dei fem då Midtsiden møtte dei ved avreise frå Halhjem.

Går for personlege rekordar

Felles for alle fem er at dei reiser til Kristiansand med klare målsettingar om nye personlege rekordar og å klara kvalifiseringstidene til både NM og EM. Nedanfor oppsummerar utøvarane sjølv kva som er målet for helga.

Ariel Braathen (15)

Skal svømme 50, 100 og 200 meter bryst, 100 meter fri og medley stafett.

– På 50 bryst har eg 32.75 som personleg rekord. EM-kravet er på 32.65. Det skal eg klara.

– Gjer eg det så sett eg samstundes ny norsk junior-rekord.

– På 100 bryst er EM-kravet 1.12. Det er det same som den personlege rekorden min, men i helga går eg for å komma ned på junior-rekorden på 1.10.

Det største jafset i ny personleg rekord ser Ariel for seg å ta på 200 meter bryst.

– Der er målet å komma under 2.30. EM-kravet er 2.38, eg har svømt på 2.35 og veit eg har meir inne, så 2.30 skal vera realistisk.

Sebastian Braathen (17)

Skal svømma 50 og 100 meter bryst og fri, pluss 50 butterfly.

– Eg har trent ganske bra i det siste og går for å slå dei gamle tidene mine.

– NM-krava på brystøvingane er klare mål. Det vil seie ein høg 31-tid på 50 meteren og 1.10 på 100 meteren.

– På fri er eg lengre unna, men så er det òg bryst eg trivst best med, fortel Sebastian.

Sander Nilsen (18)

Svømmer 50 og 100 meter fri og butterfly. Er tidlegare junior nordisk meister på 50 meter butterfly.

– Målet på 50 meter butterfly er å persa ganske mykje. Kjem eg inn på ein lav 25 eller høg 24 er eg nøgd.

– På 100 butterfly skal eg komma så nær persen min på 56.1 som mogleg.

– Når det gjeld dei to fri-øvingane så går eg for ein lav 24 på 50 meteren og ei tid rundt 52 sekund på 100 meteren.

– Då persar eg på båe distansene. Formen er god, så det bør vera innan rekkevidde, smiler Sander.

Heine Nilsen (15)

Lillebror Heine svømmer som Sander 50 og 100 fri og butterfly, men legg i tillegg inn 200 meter medley.

– Eg har ikkje svømt alle distansane i eit langbane-stemne før, så det blir spennande.

– Målsettinga er å komma under 28.5 på 50 butterfly, 1.04 på 100 butterfly, 27 sekund på 50 fri, minuttet på 100 fri og 2.24 på 200 meteren.

– Ger eg det så sett eg personleg rekorder og klarer junior-NM-krava.

Ingalill Urrang Naustvik (19)

I 2008 svømde Ingalill Ungdoms-OL (EYOF - European Youth Olympic Festival) og satte personlege rekordar i fleng. På Skagerak Swim svømmer ho 50, 100 og 200 meter bryst.

– Det er ei stund sida eg satte dei personlege rekordane mine under EYOF.

– Målet i helga er å kome ned på gamle taker.

– Eg føler meg sterkare enn nokon gang.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.