– Plutseleg er vi der

Politiet har den siste tida fått fleire meldingar om hardasiøs og uaktsom køyring med moped fleire stader i bygda.

– Det er uvettig køyring på plener, fortau, gangstier og andre offentlege områder, fortel lensmann Oddbjørn Dyrdal ved Os lensmannskontor.

Risikerer år utan førarkort

Lensmannen fortel at dei så langt ikkje har tatt nokon på fersken, men at sjåførane ikkje skal føle seg trygge.

– Vi veit om det, så plutseleg er vi der og då får det alvorlege konsekvensar for føraren.

– Då vil førarkortet bli beslaglagt og dei vil få sperrefrist på gjerne eit par år på nytt førarkort.

– Konsekvensen er at dei ikkje får køyre opp til førarkort på bil før sperrefristen er ute. Dei får heller ikkje lov til å øvekøyre i den perioden, så alt blir satt på vent. Dei bør tenkje seg om, påpeiker lensmannen.