Lokal | 27. nov. 2015

Populær juleopning på senteret

Video: Mykje folk og stor stemning då julelysa blei tent på senteret.

Andris Hamrefredag 27. nov. 2015 07:38

Bildeserie:

Nissen fekk det travelt då han skulle dela ut godteposane (foto: KML)
Nissen fekk det travelt då han skulle dela ut godteposane (foto: KML)
Nore Neset Skulekorps var med å satte julestemninga (foto: KML)
Nore Neset Skulekorps var med å satte julestemninga (foto: KML)
Når klokka nærma seg seks strøyma folk til scenen (foto: KML)
Når klokka nærma seg seks strøyma folk til scenen (foto: KML)
Litt skummel var nissen (foto: KML)
Litt skummel var nissen (foto: KML)
Tidlegare senterleiar Anne Kristin Tøsdal og ny senterleiar Silje Lygre (foto: KML)
Tidlegare senterleiar Anne Kristin Tøsdal og ny senterleiar Silje Lygre (foto: KML)
1 av 5
Nissen fekk det travelt då han skulle dela ut godteposane (foto: KML)
Nore Neset Skulekorps var med å satte julestemninga (foto: KML)
Når klokka nærma seg seks strøyma folk til scenen (foto: KML)
Litt skummel var nissen (foto: KML)
Tidlegare senterleiar Anne Kristin Tøsdal og ny senterleiar Silje Lygre (foto: KML)

Folket kom myldrande til når klokka nærma seg seks på Amfi Os. Då var det tid for juleopning på senteret, og ikkje minst; besøk av sjølvaste julenissen.

I andre etasje hadde Nore Neset skulekorps rigga seg til og dei serverte flott julemusikk både før, under og etter opninga.

– Det er så kjekt å sjå at så mange har kome her i kveld, sa den ferske senterleiaren Silje Lygre frå scenen.

At ho stod der for fyrste gong som leiar kunne ein ikkje sjå, ho fekk alle dei frammøtte med både å telja ned til tenning av lys og ropa på julenissen.

– Det gjekk så fint og det var veldig kjekt å få starta med dette, fortalde Lygre etter at opninga var vel overstått og ungane stimla seg om nissen for å sjå kva godt han kom med.

Fekk godtepose

Ei som stod med godtepose frå nissen i handa var den tidlegare leiaren for senteret, Anne Kristine Tøsdal.

– Den er ikkje min altså, seier ho og ler.

Tøsdal syntes det var veldig kjekt å få vera med på opninga som gjest for ein gong skuld.

– Og etter at eg høyrde kven som overtok etter meg så senka skuldrene mine seg, for Silje passar perfekt i jobben.

Heilt vekke frå senteret er likevel ikkje Tøsdal enda, ho er ein kort telefon unna om Lygre skulle trenga ho.

– For eksempel når eg i denne anledninga var på jakt etter noko utstyr til opninga så var det berre å ringa Anne Kristine og ho kunne fortelja nøyaktig kor det låg.

– Men det er ikkje mange telefonar eg får, Silje klarar seg heilt fint sjølv, supplerar den avgåtte leiaren.

Tidleg oppe

Sjølv om juleopninga er unnagjort så kan ikkje Lygre slappe av heilt ennå, for fredag er det Black Friday på senteret.

– For fyrste gong opnar vi senteret klokka 7, så det vil bli veldig spennande og sjå kor mange som tar turen innom tidleg på morgonen.

Silje har iallefall planen klar for korleis ho skal starta den svaret fredagen.

– Då er eg her klokka seks og klar til å koka kaffi til dei tilsette, seier ho med eit smil.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.