Festivalsjef Sigvard Madsen under Tysnesfest laurdag. (Foto: Kjetil Vasby Bruarøy)

Publikumsrekord for Tysnesfest

Måtte avlysa Alan Walker, men har likevel mykje å gleda seg over.

Av: Kjetil Vasby Bruarøy

Stjerneskotet Alan Walker frå Fana, som var første norske artist til å passera ein halv milliard avspelingar av si eiga låt på Spotify, og første norske artist til å passera ein milliard avspelingar på YouTube, skulle utgjera finalen under årets Tysnesfest.

Sånn gjekk det ikkje. Først måtte festivalen utsetja dei siste artistane grunna sterk vind, så avlyste dei sistemann.

– Det var veldig kjipt, både for oss, Alan Walker og - ikkje minst - publikum. Dette skulle vore ein stor finale, med ein stor artist og rikeleg med pyro, men tryggleiken kjem først, seier festivalsjef Sigvard Madsen til Midtsiden.

Eit tre velta over vegen på Håheim og ein større båt hadde problem med fortøyingane i hamna. Ingen blei skadd då vinden sto på som verst, men den siste av ei lang rekke artistar måtte altså avlysast.

• Sjå bildeserie frå Sandra Lyng-konserten og livet i hamna på dagtid laurdag

Fint vêr og publikumsrekord

– Samla sett har vi likevel vore heldige. Vêret har vore fint frå torsdag til laurdag, med unntak av desse sist timane rundt midnatt. Også i dag, når folk har rigga ned, har det stort sett vore varmt og fint.

Publikumstalet kan arrangørane òg gle' seg over.

– Vi har ikkje det endelege talet, men det som er sikkert er at vi, for første gong, har passert 30.000 besøkande.

OPPDATERT: Ny publikumsrekord er 32.233!

Fredag var det, for første gong på ein fredag, utselt med 7.200 på hovudscenen Gjerstad. Laurdag blei det lagt ut 300 ekstrabillettar, også desse blei selt.

– I tillegg har det vore 2500 på Sivert Høyem på Tysnessåta og fullt hus på småskalaarrangementa. Vi gler oss over at vi klarer å laga den breiddefestivalen og den folkefesten for heile familien som vi prøver å laga, seier Madsen.

Vellykka regelendring i hamna

Før festivalstart varsla arrangørane at det i år ikkje nytta å nøya seg med hamneavgift for å sitja i båten og vera gratispassasjer på folkefesten. Alle med båt, og alle i båten, måtte ha festivalpass.

Hamna var, grunna nye forskrifter, redusert frå 500 til 400 plassar - samtidig som vakthald og kontroll var oppgradert.

– Samla sett fungerte det bra - vi hadde 150 færre båtar enn i fjor, men likevel ei kraftig auke på samla publikumstal.

– Men reglane var kanskje litt vanskelege å forstå, så vi vil prøva å forenkla dette, og formidla det tydelegare, til neste år, seier Madsen.

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.