Rafael Villén skåra avgjerande mål i tredje kamp på rad. (Arkivfoto: Kjetil Vasby Bruarøy)

Rafael med nok ei avgjerande skåring

Os tok poeng borte mot Herd i dag.

Av: Kjetil Vasby Bruarøy

Rafael Villén, som har vore matchvinnar i to kampar på rad, sette inn Os sitt einaste mål i dagens bortekamp.

Målet kom på retur på straffe av Erik Kanestrøm.

– Erik var av banen då vi fekk straffe nummer to. Rafael tok straffen, trefte tverrligger og heada sjølv inn returen. Ingen var borti ballen i mellomtida, dermed tel det som to touch og skåringa blei ikkje godkjent, fortel Hassan El Fakiri.

– Som å tapa to poeng

Klokka 8 søndag morgon gjekk flyet frå Flesland, klokka 16 starta Os sin bortekamp mot Herd.

Herd hadde to færre poeng enn Os før dagens tiande serierunde, men har slått Fyllingsdalen, tapt 4-3 for Lysekloster og spelt uavgjort mot både Sotra og Varegg.

– Det er greit at vi tok poeng, men vi er skuffa. Vi brukte rett nok 20 minutt på å koma i gang, men etter at vertane tok leiinga var det berre eitt lag på banen, meiner El Fakiri.

– Vi spelte fint og skapte mykje og det kjennest ut som om vi tapte to poeng i dag. Men vi tar med oss måten vi spelte og dominerte kampen på, held vi fram som dette skal vi plukka bra med poeng framover, seier Hassan, som var siste innbytar og fekk seg 20 sekund på banen då Brenne ville ut rett før slutt.

Møter botnlag på heimebane

Os ligg framleis på 8. plass på tabellen, men er med 14 poeng berre 2 bak Sotra og Stord og 5 bak Varegg på 3. plass.

Neste kamp går heime mot botnlaget Haugesund 2 måndag om ei god veke.

Haugesund 2 tapte i går 6-0 for Brann 2.

Herd - Os 1-1 (1-0)
Målskårar, Os: Rafael Villén
Os: Andrew Todd - Endre Brenne (HB), Divaldo Cardoso (MS), Ole Martin Kolskogen (MS), Knut Haga (VB) - Torgeir Lunde (SM), Rafael Villen (SM) - Torkel Hjertnes (HK), Erik Kanestrøm (VK) - Christoffer Hafsås (S), Marius Mikkelsen (S).
Innbytarar med speletid: Enrique Crespo Søvik for Hafsås (57.), Steffen Ljosheim for Kanestrøm (70.), Biko Brennan for Hjertnes (83.) og Hassan El Fakiri for Brenne (90.)

 

Fleire saker

bilde-midtsiden

– Det kryr av talent her

28. juni 2017

Bildeserie: – Og det dukker stadig opp nye, seier friidrettsnestor Jan Borgen om årets friidrettsskule på Kuventræ.

bilde-midtsiden

Brann i takkonstruksjon

28. juni 2017

Brannvesenet rykte ut på melding om brann i takkonstruksjon på eit nybygg i Storestraumen.

bilde-midtsiden

Kva skal OBEAS driva med?

28. juni 2017

Generalforsamling i Os bygg og Eigedom AS. Formannskapet etterlyste tydeleg strategi for selskapet.

bilde-midtsiden

Speler finale i Sør Cup

28. juni 2017

Lysekloster/Nore Neset stiller med fem lag i Sør Cup. Gutar 14 speler B-finale i dag.

bilde-midtsiden

No kan du velja sjølv!

28. juni 2017

Lesarinnlegg: Alle pasientar som har rett til rehabilitering, kan no frå 1.juli velja fritt mellom offentlige og private...

bilde-midtsiden

Lager opningsfest for takterrassen

27. juni 2017

Takterrassen på Torget har fått eige namn. Med levande musikk, sjømatbuffet og nyutdanna barsjef blir det offisiell opning til helga.