Reagerte då nokon romsterte i bosset

I 2014 og 2015 var det fleire tilfelle av tjuveri av post i ulike nabolag i Os. I går såg det ut som om nokon finn andre sitt søppel interessant.

Klokka 23 tysdag kveld fekk politiet melding om mistenkeleg aktivitet i Kuvågvegen.

– Innringar fortalte at to framande personar romsterte i eit bosspann, fortel NK operatør Jan Tore Heggholmen i Vest politidistrikt.

Ein patrulje rykte ut, men møtte ingen som passa skildringa av dei to.

– Det skal vera mistanke om at det er to austeuropearar. Vedkomande frykta at dette var ein form for rekognisering, fortel politiet.