Reinhardt stilte ut i heimbygda

Reinhardt Østrem, som tidlegare eigde fleire utestadar i Os, har drive med import sidan 2001.

I 2011 opna han to butikkar i heimlandet, Home & Comfort i Haugesund og Åsane.

Seinare har det blitt flytting og nye butikkar, no har han Ecospa i Spelhaugen i Fyllingsdalen, med selskapet Yappion AS, som han eig saman med tre andre.

– Vi har massasjebad og massasjebord, men òg andre varer vi importerer, som fotballutstyr, fortel Østrem.

– For to veker sidan stilte vi ut på hyttemessa til Robert Nøss, som var veldig bra for oss, no tenkte eg vi skulle sjå korleis marknaden i Os er.

Selte bad til osingane

Fredag og laurdag sto Reinhardt med massasjebad utstilt på AMFI Os.

– Vi har 15-20 bad i utvalet, 5-6 av dei er lagervarer.

– Her var det stor interesse, spesielt på fredag. Då selte vi også eit bad.

Det var utstilt modell som blei bestilt, Iquespa Voss, som koster over 80.000. Til badet kan du òg få sitjeplass til 14 rundt karet, tilleggsutstyr til over 40.000 kroner.

– Om dette blir morsdagspresang veit eg ikkje, det skulle heim i ein hage, men det var ein og annan som nemnte morsdag då dei var innom.