Lokal | 05. jan. 2018

Rekord på rekord i Eikedalen

Stolheisen opna for første gong før nyttår. Desember hadde rekordomsetnad. No er det skyfri himmel og over to meter med snø.

Rekord på rekord i Eikedalen
Eikedalen Skisenter hadde glitrande forhold i romjula. No er også stolheisen i drift. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 05. jan. 2018 12:53

I sesong etter sesong har han fått høyra det: «Kvifor er ikkje stolheisen open?».

– Den kan ligga tjukt med nysnø på toppen, men snøen har gjerne vore så tørr og lett at vi ikkje kunne køyra preppemaskinene opp, forklarer Fredrik Tønjum.

Dei siste åra har han brukt millionar av kroner på å planera terrenget rundt toppen av den lange heisen. Før årets vinter var han ferdig, så kom snøen.

– No har vi 1,5 meter nede i anlegget og over 2 meters djupne fleire plassar oppe i fjellet.

Ny rekord med god margin

Torsdag 28. desember starta preppinga på toppen, laurdag 30. desember var stolheisen i drift for første gong denne sesongen.

– Det tidlegaste vi har køyrd stolheisen tidlegare sesongar er rundt 20. januar.

Allereie før stolheisen kom i drift var det sett ny rekord for desember.

– På kveldskøyringa i dag har vi vår 19. driftsdag så langt i sesongen. Besøkstala har vore gode og vi har fått ein knallstart!

Afterski og kvardagar

God start og tidleg påske kan bety at sesongen samla sett blir bra, men så langt fram våger ikkje Tønjum å spå.

– Mykje kan skje frå no til påske. Det kan koma mildvêr og regn, og det kan bli dårleg vêr i helger og vinterferie. Førebels nøyer vi oss med å nyta dei fine dagane vi har.

Det er meldt skyfri himmel laurdag og nokre av dagane i neste veke. Over helga kan anlegget også bli ope på dagtid i vekedagane.

Kveldskøyring har det vore fleire dagar før jul, og held fram fire kveldar i veka fram til påske, så sånt forholda blir dårlege.

Nytt denne sesongen er afterski.

– Dei jobbar med å få denne klar til i morgon. Det er førebels ikkje bestemt om det blir denne laurdagen eller neste som blir opningsdagen, seier Fredrik.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.