Lokal | 28. juli 2014

Reven gjekk rett i fella

Den trebeinte hønsetjuven på Halhjem forsynte seg grovt frå buret til Judith Andersen. Men så blei det slutt.

Reven gjekk rett i fella
Reven gjekk rett i fella på første forsøk og blei avliva. (Privat bilde, foto Judith Andersen)
Kjetil Vasby Bruarøy
Kjetil Vasby Bruarøymandag 28. juli 2014 08:49

Han stal nesten ei høne for dagen, reven som har herja på Halhjem den siste tida.

– Eg hadde 8 høner, no har eg 4, fortel Judith Andersen.

Ho såg sjølv på då reven stakk av med den eine, den andre fortalte naboen at reven kom med i kjeften.

Mangla ein fot

Judith trur ein skade hos reven har ført til at den var nærgåande.

– Den hadde berre tre bein, vanlegvis er revar meir sky enn dette.

– Eg sto i hagen og hengte opp klede då han hoppa over gjerdet, tok seg inn i hønsehuset og sprang av garde med den eine høna. Friske revar oppfører seg ikkje sånn.

I fella på første forsøk

Hønemor kontakta politiet som sendte ein viltkontakt til Halhjem på oppdrag.

– Han sette opp felle, ei felle som fangar reven levande. Han bad oss følgja med at det ikkje gjekk kattar i fella, sidan det er så varmt ville dei ikkje hatt det godt.

Men ingen kattar rakk å gå i fella før reven sat der.

Viltkontakten blei kalla inn igjen og reven blei avliva.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.