Rusa mann utan førarkort

I 22-tida onsdag kveld blei ein mann i 20-åra stoppa av politiet i Os sentrum.

– Vi mistenkte at han kjørte i rusa tilstand, og mannen har heller ikkje gyldig førarkort, fortel politioverbetjent Audun Hadler-Olsen.

Det førte til ransaking av mannen og heimen hans.

– Det resulterte i beslag av mindre mengder narkotika.

Mannen blei sleppt fri etter avhøyr, men er meldt for forholda.