Sandal er nøgd med pulja

Os 2 rykte ned frå 4. divisjon i år, Lysekloster tok sitt tredje opprykk på rad og er klar til å overta plassen som nest beste lag i Os.

Lysekloster-trenaren Ørjan Sandal plar vera godt informert, men i dag sendte Hordaland fotballkrets pressemelding FØR dei hadde publisert 4. divisjonspuljene for 2012 på eigne nettsider.

– Dette er eg nøgd med, seier Sandal, etterkvart som Midtsiden las opp motstandarane deira for komande sesong.

SJÅ AVDELINGANE UNDER

Underhaldande møte

– Sportsleg er nok dei to puljene ganske like kvarandre, men eg er nøgd med reisevegen, at vi slepp å reisa til Odda, då er Dale betre.

Sandal trur dessutan det blir spennande å møta nyoppretta Brann 3 og underhaldande å få Valestrand Hjellvik på besøk.

–Brann 3 blir nok betre enn Fyllingsdalen 3, som er i nabopulja. Og blant dei to som rykte ned frå 3. divisjon, Askøy og Valestrand Hjellvik, er  Valestrand best, i alle fall om vi skal sjå på årets poengsanking.

Åsane 2 gav plassen til Gneist

For å rykka vidare opp i systemet, slik Lysekloster har mål og plan om, må dei vinna pulja eller koma på 2. plass og slå tabelltoaren frå naboavdlinga samanlagt i to kvalifiseringskampar.

Det blir 13 lag i kvar avdeling grunna inntak av Brann 3 og nedflytting av Fyllingsdalen 3 (eks Løv Ham 2). Åsane 2 var kvalifisert for dette nivået, men trekker laget og Gneist har takka ja til denne plassen.

AVDELING 1
Askøy (ned frå 3. div)
Baune (3. plass avd. 1 2011)
Djerv
Follese
Fyllingsdalen 3 (eks Løv Ham 2, ned frå 3. div)
Hovding (2. plass avd 2 2011)
Norges Handelshøyskole (NHH) (opp frå 5. div)
Nymark (opp frå 5. div)
Odda
Smørås
Solid (opp frå 5. div)
Trio
Vadmyra

AVDELING 2
Brann 3
Dale (opp frå 5. div)
Frøya (4. plass i avd 2 i 2011)
Gneist
Hald
Laksevåg
Loddefjord
Lyngbø
Lysekloster (opp frå 5. div)
Nordhordland (NBK)
Sandviken (3. plass i avd 2 i 2011)
Telavåg (opp frå 5. div)
Valestrand Hjellvik (ned frå 3. div)