Satsar på sitjeplassar

Under Dra til Sjøs i Bergen i februar var Askeladden P66 Weekend den viktigaste nyheten frå osingane, under Sjøen for Alle, som startar førstkomande fredag har dei både P66 Weekend og ein flunkande ny daycruiser med i utstillinga si.

- Den kjem rett frå fabrikken til messa, fortel marknadssjef Leif Bergaas.

Same skrog som Cruiser

At båten førebels ikkje har vore i sjøen har neppe noko å bety, for Askeladden C62 X-over er bygd på det same skroget som populære C62 Cruiser, ein modell Askeladden lanserte under messa Båter i Sjøen hausten 2010.

- Den største forskjellen er den store cockpiten i C62 X-over, båten har heile sju sitjeplassar og sitjegruppa kan setjast saman og kombinerast på fleire måtar.

Bygg din egen sofakrok

Fordelane frå Cruiser er tatt med, med god vindskjerming og kalesje. Samstundes er sjølve skjermen trekt fram for å gje maksimalt med plass i cockpit.

- Sete- og puteløysningane representerer verkelig nytenking. Desse kan setjast opp som alt frå solseng til partykrok med bord g U-sofa, eller som ein enkel benk akter med stor dekksplass til fiske og vannsport.

Båten er konstruert for outboard inntil 150 HK og har eit fartspotensiale på cirka 33 knop.

Standardutstyr: Full instrumentering, lanterner, hydraulisk styring, puter, solseng, kalesje med kalesjebrønn, automatisk og manuell lensepumpe m.m.
Tilleggsutstyr: Spyletoalett med septiktank, vannskikrok og hamnepresenning.