– Seier du torsk eller tøsk?

Den siste veka har elevane ved Søre Øyane barneskule jobba med eit stort prosjekt om sin eigen heimkrins.

Alle dei 127 elevane på skulen har deltatt. Elevane var delte inn i fire grupper, blanda frå 1. til 7. klasse, og har jobba med alt frå dialekta i Øyane til kartlegging av ulike mattradisjonar og lærdom om leikar frå gamledagar og tekniske fakta om bruene i øysamfunnet.

Nokre elevar har vore journalistar og vore ute og intervjua dei næringsdrivande i krinsen.

– Hovudfokus har vore på lesing og skriving, men elevane har naturlegvis lærd mykje meir i samband med prosjektet, seier rektor Gunnhild Hansen.

Elevar, føresette, besteforeldre og andre frå Øyane har og vore deltakande i planlegginga av prosjektet saman med engasjerte lærarar og andre tilsette.

Vi var utom då prosjektet i går blei avslutta med utstilling og kafé, med servering av lappar og fiskekaker, i gymsalen på skulen.