Seks nye i næringsrådet sitt styre

Bildeserie:

1 av 2

Fredag var det årsmøte og årsmiddag for Os Næringsråd, med foredrag etter lunsj, avslutta med formelt årsmøte i 16-tida og middag på kvelden.

Av sitjande styre var Rune Fjellanger, Arne Kristian Kolstad og Fredrik Smith Fotland valt for to år, mens fire andre, som var med frå start, ikkje sto på gjenval.

• Les òg: Anita Egge nye leiar i næringsrådet

Både Anita K. Egge, Astrid Dale, Inger Berit Bøyum og Geir Bjørkeli skulle erstattast - dei fire har alle sete to år frå etableringa av næringsrådet i 2015.

Egge las frå årsmeldinga, som blant anna fortel om fire større arrangement i 2016, innføring av den uformelle møtestaden «laus onsdag på Bar(t)» og om eit overskot på over 160.000 kroner.

Næringsrådet hadde 79 medlemmar på slutten av 2016 og er no oppe i rundt 100.

Seks nye inn i styret

Valnemnda hadde nominert seks kandidatar til styret, to av dei som vara. Alle seks blei samrøystes valt inn.

Tre av dei seks nominerte var til stades på møtet.

Det blei bestemt at styret skal få konsituera seg sjølv. Med andre ord er det førebels ikkje avgjort kven som blir styreleiar eller kven som blir vara til styret.

Her er dei nye styremedlemmane:

Hans-Åke Parnefalt (60), sjølvstendig næringsdrivane, gründer bak Vitaltour, tidlegare dagleg leiar i Os Turn og no aktuell med nyetablert reiselivsselskap.

Bjarte Skaathun (37), medeigar og styreleiar i Byggmester Skaatun AS.

Eivind Sælen (64), pensjonist etter 40 år i byggebransjen, tidlegare administrerande direktøri GK Inneklima.

Anders Hjelle (54), dagleg leiar i Malermester Alf Hjelle & sønn, tidlegare aktiv i lokalpolitikken i ei årrekkje.

Lena Mo (30), har bachelorgrad i økonomi og jobbar i Sparebanken Vest.

Kåre Mongstad (43), medeigar og kreativ leiar i reklamebyrået Loops AS og tidlegare styreleiar i Kreativt Forum Stavanger.