Petter Dahl på isen. Førre helg blei det både nettkjenning, siger og uavgjort, men Lyderhorn måtte nøya seg med 2. plass i 3. divisjon. (Privat foto)

Seriegullet glapp for Petter og Gladiators

Petter Dahl frå Os og resten av Lyderhorn Gladiators trengte siger i serieavsluttinga. Det gjekk nesten.

Av: Kjetil Vasby Bruarøy

Førre helg blei seriemeisterskapen avgjort i 3. divisjon vest.

Lyderhorn Gladiators spelte to kampar mot Kristiansand på heimebane, og trengte siger i begge.

– Vi tapte 7-4 og 5-3 borte mot Kristiansand i oktober, men gjorde det langt betre no, seier Petter Dahl, ein av to Lyderhorn-spelarar frå Os.

Vann første kamp 3-0

Laurdag blei det 3-0-siger, søndagen to dei leiinga.

– Kristiansand gjekk opp i 1-3. Eg føler vi spelte best, men dei hadde ein veldig god keeper, så vi sleit med å skåra.

Lyderhorn klarte uavgjort 3-3, der Petter skåra eitt og hadde to assist.

Men Kristiansand trengte berre det eine poenget for å sikra seg førsteplassen.

Terminliste og resultat.

To frå Os i 3. divisjon

Petter (som tidlegare heitte Hans-Petter Hopland) har vakse opp i Strøno og bur no i Bergen.

Tidlegare pendla han til Haugesund og spelte for Segaulls. Også Eirik Nordahl-Pedersen frå Os er i stallen, men han spelte ikkje i serieavsluttinga.

• Les òg: Kai Daniel og Stian på kretslaget

– Vi har mål om opprykk og ser fram til oppkøyringa til neste sesong, seier Petter, som òg er involvert i arbeid med rekruttering og betra fasilitetar for ishockeymiljøet i og rundt Bergen.

Fleire saker

bilde-midtsiden

Pleiepengar til fleire

21. september 2017

Frå 1. oktober får ordninga med pleiepengar ei betydeleg utviding.

bilde-midtsiden

Betaler millionar til Bergen

21. september 2017

68 ungar frå Os går i barnehage i Bergen, noko Os kommune betalte 4,7 millionar for i første halvår 2017.

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.