Signerte Ivkovic

Det har gått rykter på Lysefjorden-tribuna om at ei storsignering av på gang. Måndag kom stadfestinga.

– Vi har signert Gojko Ivkovic i dag, fortel trenar Ørjan Sandal.

Med landslagserfaring

Ivkovic kjem frå Nest-Sotra. Han har tidlegare spelt i Åsane, Førde og Viking. Han har òg landslagserfaring frå Serbia sitt U19-lag.

– Vi får ein god spelar som har topperfaring frå både Noreg og utlandet. Han har vore ei av bærebjelkene i Nest-Sotra dei siste åra.

– At Ivkovic no signerar for Lysekloster er vi naturleg nok veldig nøgde med. Intensjonen i avtalen er at han skal vera hos oss i fleire år framover, seier Sandal.

Klar til helga

Sandal reknar med at han kan nytta den nye stopparen allereie i helgas toppoppgjer mot Sotra.

– Vi har veka på oss å få papira i orden hjå fotballforbundet, så det reknar eg med skal gå bra.

– Korleis har dette latt seg gjera?

– Han var komt i ein situasjon, kor han skal bli far, som gjorde at han ikkje ønska å vera med på det som krevst i 1. divisjon. Samstundes syntes han at det vi held på med her i Lysekloster var spennande, avsluttar Sandal.