Siste dag med dette på ei stund

Etter eit par dagar med sol og kaldt vintervêr må vi no belaga oss på litt meir rufsate forhold dei kommande dagane.

– Vanskelege køyreforhold og lokale forsinkelsar. Det er nødvendig å vera skodd etter forholda, åtvarar meterologane i OBS-varselet.

Regn og vind

I følgje YR.no vil regnet komma natt til onsdag og helde fram til søndag morgon før vi igjen ser ut til å gå ei periode med fint og kaldt vêr igjen.

Temperaturer berre så vidt på pluss-sida auker faren for at det spesielt onsdag morgon kan vera fare for glatte vegar. Mest regn kjem det truleg torsdag med 14,2 millimeter varsla mellom klokka 6 og 12 på førmiddagen.

Utover i veka stig temperaturen opp i fem seks varmegrader, men vinden aukar også på. Torsdag ettermiddag og kveld er det venta opp mot stiv kuling frå sør-søraust. Også onsdag kveld blir det friskt med liten kuling frå same retning.

Sjå langtidsvarselet for Osøyro her