Siste dag med regn!

– Dette har ikkje skjedd på 65 år, skreiv BT for fire dagar sidan.

Då hadde det regna kvar dag i juni, 22 dagar i strekk.

Som kjent har det også regna dei neste fire, men no er det slutt.

Sol og 20 gradar

Det er også meldt nedbør utover dagen i dag, søndag. Yr melder at det skal letta i 17-18-tida, Storm at det skal regna fram til midnatt.

Men frå natt til måndag og ei veke fram er det meldt opphaldsvêr.

Det er meldt lettskya til og med laurdag, Storm melder noko blåare himmel enn Yr.

• Sjå detaljert vêrvarsel for Os frå Yr og Storm, side om side, på Pent.no.

Temperaturen skal stiga gradvis utover veka, frå 11 gradar måndag til 14 gradar tysdag og 18 gradar onsdag.

Torsdag og fredag er det meldt 20 varmegradar!

Det er meldt 6-8 m/s vind måndag, men under 4 m/s tysdag og ut veka.