Kultur | 29. mars 2015

Siste kveld med gutta

Kidnapping, kostyme, keipatak, paintball – og rikeleg med øl: Det som kanskje er årets første utdrikkingslag i Os blei gjennomført på gamlemåten.

Siste kveld med gutta
Kent-Eivind Storum viser musklar og får ein god klem av forlovaren Bjørn Inge Håvåg. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 29. mars 2015 08:47

Bildeserie:

Etter kidnapping på Halhjem ferjekai blei det keipatak mot Frode Veim Haugland. (Privat foto)
Etter kidnapping på Halhjem ferjekai blei det keipatak mot Frode Veim Haugland. (Privat foto)
Så var det paintball på Totland. (Privat foto)
Så var det paintball på Totland. (Privat foto)
Middag på Røykenes før avreise til Haugland. (Foto: KVB)
Middag på Røykenes før avreise til Haugland. (Foto: KVB)
Pappa Kenneth (t.v.) og kollega Torbjørn Skår var også med på festen. (Foto: KVB)
Pappa Kenneth (t.v.) og kollega Torbjørn Skår var også med på festen. (Foto: KVB)
1 av 4
Etter kidnapping på Halhjem ferjekai blei det keipatak mot Frode Veim Haugland. (Privat foto)
Så var det paintball på Totland. (Privat foto)
Middag på Røykenes før avreise til Haugland. (Foto: KVB)
Pappa Kenneth (t.v.) og kollega Torbjørn Skår var også med på festen. (Foto: KVB)

Det starta klokka 12.40 laurdag formiddag. Overstyrmann på Tysnes-ferja, Kent-Eivind Storum, trudde han skulle éin tur til over Bjørnafjorden. Men kollegaen bad han gå eit ærend i vinsjhuset på Halhjem ferjekai og sjå etter noko utstyr.

– Eg hadde aldri trudd at det var plass til så mange personar i den bua, seier Kent-Eivind.

Forlovaren Bjørn Inge Håvåg hadde ordna tidleg avspasering for kameraten, som fekk ei øl i neven og beskjed om å få på seg ein annan uniform. Og ei ny lue der han fekk opprykk i tråd med det han er utdanna som, kaptein.

– Det var litt jobb å organisera med alle, frå barnevakt til arbeidsgjevar, men alle har vore hjelpsame og flinke til å halda det hemmeleg. Eg ville at Kent-Eivind skulle bli overraska, og at han skulle drikkast ut på tradisjonelt vis, fortel Bjørn Inge.

Keipatak mot Noregs sterkaste klassekamerat

I leopardbukse og ei småfrekk tskjorte gjekk turen vidare til Amfisenteret. Der sto ein tidlegare klassekamerat og venta.

Fleire gongar noregsmeister og nordisk meister i handbak, Frode Veim Haugland, hadde rigga opp handbakbord og skulle gje den komande brudgomen noko å bryna seg på.

– Eg vil ikkje at det skal stå i avisa kven som vann. Men du kan skriva at Frode skal veta at han er heldig med at eg hadde senebetennelse, seier Kent-Eivind.

Skotskive med ku-kostyme

Etter å ha gjort sånn nokolunde figur på AMFI Os reiste Kent-Eivind med følgje til Fana Painballklubb sin bane på Totland.

Først var det krig to lag mot kvarandre, så fekk hovudpersonen på seg eit ku-kostyme for å vera skotskive for alle.

– Heldivis fekk eg siste runde, då var dei andre utan markør og eg fekk tøma resten av skota.

Ein handlerunde etter nye klede, som skal brukast på tampen av kvelden, blei gjennomført på Lagunen. Med leopardbuksa på. Så var det middag på Er-An Veikro på veg til avslutning i ungdomshuset på Haugland.

Til Paris med same etternamn

På Haugland skal gutane treffa utdrikkinglaget til Kent-Eivind si komande kone, Helene Storum.

– Pikenamnet er Tveitnes, men ho har allereie skifta sånn at vi kan ta bryllaupsreisa som ektepar med same etternamn, smiler Kent-Eivind nøgd.

Dei to skal gifta seg i Os kyrkje 30. mai. Dagen etter går turen til Paris.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.