Russen frå Os Gymnas og Os vgs henta bøsser i gymsalen på gymnaset. Så kom den store jobben med å telja pengar! (Privat foto)

Sjekk russen si rekordinnsamling!

Samla inn over 177.000 kroner: Både Os Gymnas og Os vidaregåande skule sette ny rekord i årets Krafttak mot kreft-aksjon.

image
image
image
image
Av: Kjetil Vasby Bruarøy

Måndag for ei veke sidan hadde dei kickoff med handbak i kantina, i går gjekk 90 russ frå Os Gymnas med bøsser i årets Krafttak mot kreft-aksjon.

• Les meir og sjå video: Tok solide krafttak mot kreft

– Russen frå Os vgs og Os Gymnas samla seg på gymnaset, der vi hadde utdeling av bøsser og tildeling av område å gå i, fortel russepresident ved Os vgs, Henrik Vågen.

30 russ frå Os vgs og 90 frå Os Gymnas møtte opp.

Til saman samla dei inn heile 177.243 kroner, over 30.000 kroner meir enn rekordåret 2015!

– Vi blei veldig godt tatt imot. Dei fleste gjekk frå hus til hus, andre sto på strategiske plassar, som ein ferjekai, som viste seg å bli god butikk.

– Vi har òg fått inn nokre sponsorar. Desse har gjeve direkte til Kreftforeningen, så vi har ikkje oversikt over kor store beløp det er snakk om. Men det kjem i tillegg til 177.000, seier Guro Drange Veglo, ein av dei aksjonsansvarlege ved Os Gymnas.

Fekk inn 6800 kroner på éi bøsse

Os vgs stilte med 30 bøssebærarar og fekk inn 52.050 (i snitt 1735 kroner per elev).

Os Gymnas hadde 60 bøssebærarar og fekk inn 125.193 kroner (i snitt 2087 kroner per elev).

Den som samla inn mest på Os vgs var Trym Corneliussen, som fekk inn nesten 5000 kroner på éi bøsse.

På Os Gymnas var det intern konkurranse med premie, og her stakk russepresident Anders Skaar av med bestemannspremien. Skaar fekk inn heile 6.852 kroner!

Russen fekk nok nytte av at Vipps har blitt utbreidd, 13.550 av Os vgs sine 52.050 kroner kom inn via Vipps.

Tal frå tidlegare år

Midtsiden har fått inn sum frå Os vgs og Os Gymnas dei fleste åra dei har deltatt i aksjonen.

Her er summen av det skulane har fått inn dei siste åra.

2010: 66.000 kroner
2011: 78.346 kroner
2013: 104.000 kroner (inkl 6000 kr frå Kongshaug)
2014: 141.000 kroner
2015: 146.125 kroner
2016: 130.000 (103.000 på Os Gymnas + 27.000 på Os vgs)
2017 177.243 (125.000 på Os Gymnas + 52.000 på Os vgs)

Fleire saker

bilde-midtsiden

Stå saman med folket i Palestina!

26. april 2017

Lesarinnlegg, markering i Os 1. mai: I år vert det markert 50 år med okkupasjon av Palestina og 10 år med blokade av Gaza.

bilde-midtsiden

«Dobbelt» vårslepp i Os sentrum

26. april 2017

Då sentrumssjefen måtte på klinikken fekk vi styreleiar i sentrumsforeininga til å fortelja korleis laurdagens Vårslepp skal bli.

bilde-midtsiden

SjekkUT Os-fjella

26. april 2017

Os Turlag lanserer fredag, saman med DNT over heile landet, ein ny gratis app som gjer det enklare å finna turmål i Os.

bilde-midtsiden

Tre frå Os blei meister i feltskyting

25. april 2017

Sofia Dale, Sofie Evensen og Reidar Dahle vann kvar sin klasse i Hordastevnet. I tillegg plukka Os Skyttarlag med seg to sølv og ein bronse.

bilde-midtsiden

Pallplass med bismak

25. april 2017

Bilcross: Kristian B. Gjøen var i helga på pallen for første gong. Så blei han tvungen til å selja bilen som morfar har bygd til han.

bilde-midtsiden

Tommy kom til Os for å takka

25. april 2017

Den tidlegare toppskåraren på Lyn, Tommy Nilsen, kom personleg til Kuventræ for å takka Os og Jada for innsamlinga til «babyen» hans, Karanba i...

bilde-midtsiden

Fekk termokikkert i gåve

25. april 2017

Med det nye termokikkerten vil mannskap frå Røde Kors kunna sjå personar i terrenget på 1000 meters avstand, sjølv om det er bekmørkt.