Skaut opp fyrverkeri i Ervikane

Onsdag kveld, klokka 21.37, rykte politiet ut til Ervikane på Strøno etter melding om bruk av fyrverkeri.

– Det kom melding om at to menn skaut rakettar inn i skogen, fortel Frode Kolltveit, operasjonsleiar i Vest politidistrikt.

I friluftsområdet Ervikane låg det 4-5 båtar ankra opp. På staden fekk dei veta at det var nokre gutar som hadde drive med fyrverkeri, og at dei gjekk frå staden.

Tidlegare i mai var det varsla om stor gras- og lyngbrannfare i Os. Bruk av fyrverkeri, utanom nyttårsaftan, må det uansett søkast om. Etter 15. april er det dessutan generelt forbod mot open eld i naturen.

Kvinne tatt i snittmåling

Onsdag blei det òg tatt ein fartssyndar. Politiet tok snittmåling på ein bil i ei 50-sone mellom Os og Halhjem.

Bilen køyrde i 63 km/t og føraren, ei kvinne i 50-åra, fekk eit forenkla forelegg.

Tysdag kom det to ulike meldingar om vinglete køyring. Den eine var ei kvinne som mista førarkortet, den andre var ein full mann.

Også onsdag kom det to meldingar om vinglete køyring. Den eine blei funnen ok, den andre blei ikkje funnen.