Båten, som gutane kjøpte ny i fjor, låg snudd og utan motor i marinaen ved Os Sjøfront søndag morgon. (Foto: Lesarbilde, båteigar)

Skuffa etter motortjuveri ved Os Sjøfront

I fjor kjøpte dei ny båt for sparepengane, i dag fekk to brør ein dårleg start på påsken.

image
image
Av: Kjetil Vasby Bruarøy

Ein båteigar frå Søfteland er interessert i tips etter tjuveri av Yamaha 9,9 hk påhengsmotor i marinaen ved Os Sjøfront.

Tjuveriet har skjedd i brygge A plass 16, mellom klokka 20.30 laurdag kveld og søndag formiddag.

– Vi skulle køyra snekka vår over til hytta på Vinnes med båten, ein Summer Fun, på slep, fortel mora til to unge båteigararar.

– Gutane har spart lenge til båt og motor, som dei kjøpte ny i fjor. I dag blei dei ståande svært skuffa på brygga.

– Tjuvane har kanskje kome med bil

Båteigar har prøvd å nå politiet i dag, men då det lokale 56-nummeret ikkje var i bruk i helga vil dei venta til i morgon.

– Motoren var kopla til ratt, fjernkontroll og batteri, då den har elstart. Alt av kablar var klipt av.

Båten låg i går med baugen inn mot brygga, i dag var den snudd.

– Det er kanskje eit teikn på at tjuvane ikkje kom sjøvegen, men har tatt motoren på land og inn i ein bil. Men det kan jo henda at dei har tatt den med seg i ein båt, at dei har snudd gutane sin båt berre for å kunna jobba frå brygga.

– Uansett håper vi nokon har sett noko som gjer at syndarane blir tatt, for dette synest eg er utruleg frekt gjort!

Fleire saker

bilde-midtsiden

Nesten vellykka pågriping

22. september 2017

Midtsiden var med heimevernet då ei gruppe «uønskt personell» skulle arresterast.

bilde-midtsiden

Hadde motorsag med på scenen

22. september 2017

Det blei blodig då dei spelte i Bergen på 90-talet. I morgon går Bastard Son Of Buddha på scenen hos Hanne’s.

bilde-midtsiden

Vi hevder oss bra

21. september 2017

Leserbidrag: Rosjef Eirik Vevatne oppsummerer Ungdomsmesterskap og Ulvenregatta.

bilde-midtsiden

– Ikkje rart barn mobbar

21. september 2017

– Når ein ser korleis vaksne oppfører seg i kommentarfelta, seier Gisle Hesjedal (Ap).

bilde-midtsiden

Pleiepengar til fleire

21. september 2017

Frå 1. oktober får ordninga med pleiepengar ei betydeleg utviding.