Skummel finale

Lysekloster leia 4-1 og på 4-4 var det eit frispark som avgjorde finalen i TBWL.

Kjetil Vasby Bruarøyonsdag 28. apr. 2010 21:09

I kveld blei finalen i Tornado Bergen Winter League spelt mellom Lysekloster, som er ny i 6. divisjon, og Arna Bjørnar 2, som spelar i 5. divisjon.

Lysekloster leia 4-1, sleppte motstandarane til så det blei 4-4, men vann til slutt 5-4.

- Dette blei veldig spennande, no er eg glad vi ikkje rota det vekk, seier Lysekloster-trenar Ørjan Sandal på veg i garderoben.

Morten Sætre skåra 2, Morten Buvik 1 og Frode Wold skåra på to direkte frispark frå 30-40 meter, det siste var den avgjerande 5-4-skåringa.

Grunna divisjonsforskjell starta Lysekloster med straffe, som dei skåra på. Arna Bjørnar sitt andrelag utlikna, men Lysekloster hadde meir på lur. Til pause sto det 4-1 til Lysekloster, som gjorde det veldig spennande før Wold til slutt avgjorde.

Lysekloster vann også førre seriekamp 5-4, over Olsvik laurdag som var. Dermed står dei med full pott etter to serierundar.