Slåstkamp i Sigurdsvika

I 1-tida i natt fekk politiet melding om slåstkamp mellom 4-5 personar.

– Ein patrulje rykte ut til Os Roklubb sitt lokale i Sigurdsvika, der det var ein privat bursdagsfest for nokre ungdomar, seier operasjonsleiar Hans-Eirik Thue i Vest politidistrikt.

Då patruljen kom fram var kamphanane gått kvar til sitt.

Promillekontroll på Lepsøyvegen

Laurdag formiddag hadde politiet kontroll av promille og dokument på Lepsøyvegen ved Hagavik Hjemmebakeri.

– 17 bilistar blei kontrollert. Éin fekk gebyr for manglande bruk av bilbelte, ein annan blei meldt for manglande førarkort. Vedkomande køyrde med ein tilhengar som var tyngre enn det han hadde førarkort for.