Slått med tre mål

Søndag var handballdamene til Os i Øvre Årdal for å spela tredje serierunde mot Jotun.

Jotun, som spelte 1. divisjon i 2011-2012 hamna på 2. plass i 2. divisjon i vår. I går var Os nær på å ta dei igjen.

– Vi låg under med 9 mål då det sto 15 minutt igjen, fortel trenar Gitte Torp.

Jotun - Os 25-22

– Det var mykje positivt i går. Vi sto i periodar veldig bra i forsvar, men vi sette litt for få sjansar.

Rett før slutt låg Os to mål bak, men det enda med tremålstap.

Madeleine Hjertnes var med trass skaden borte mot Voss og blei toppskårar med 7 mål. Elise Hjelle putta 6, 2 av dei frå 7-metersmerket.

– Vi tar dei neste gong, meiner Gitte.

Os sin neste kamp er borte mot Bjørnar 19. oktober mens neste heimekamp er 25. oktober.

SJÅ TABELL OG TERMINLISTE