Slått ut i siste sekund

I helga har NM i ishockey for U15 kretslag blitt arrangert i Hamar.

• Les òg: To frå Os tatt ut på kretslaget

Kretslaget Rogaland/Hordaland (RO/HO), med Kai Danien Øye og Stian Klakegg frå Søfteland, gjorde det nesten bra nok i innleiande rundar.

– Det blei to sigrar, to tap og éin uavgjort, fortel ein av trenarane, Dag Rune Klakegg frå Os.

Fekk 5. plass

Laget med to spelarar og éin trenar frå Os, var svært nær å koma i sluttspelet.

– Plassen rauk då det var eitt sekund igjen av kampen mot Tønsberg. Det var skuffande å ikkje nå sluttspelet, vi var trass 2-5-tap heilt på høgde med Oslo, som tok 2. plassen, seier Klakegg.

RO/HO vann 8-3 over BTV, spelte 3-3 mot H/O og sikra 5. plassen med 4-2 over H/O i siste kamp.

– Sjølv om dei veit at dei fint kunne kome litt lengre er gutane nøgde med helga, fortel Dag Rune.