Slo noregsrekorden – to gongar

I helga har Ariel og Sebastian Braathen svømt årets første stemne. Sebastian svømte fem distansar i Skagerak Swim, og sette ny personleg rekord på alle distansane.

15 år gamle Ariel slo sin eigen juniornoregsrekord frå september, to gongar, og tok gull på 50 meter bryst (senior).

– Fredag svømte eg på 32,73, to hundredelar raskare enn i haust.

– I finalen laurdag kveld, etter 100 meter fri og 200 meter bryst på dagen, svømte eg 50-meteren på 32,61, fortel Ariel på telefon, på veg heim frå Kristiansand.

32,61 er med grei margin innanfor EM-kravet (32,65).

– 50 meter er favorittdistansen min, så eg hadde veldig lyst å klara EM-kravet, seier Ariel nøgd.

I rute på 200-meteren

På 200 meter bryst klarte Ariel EM-kravet allereie i fjor, men ho må likevel innanfor også i år for å få symja distansen i Baku.

– Sist eg klarte kravet svømte eg på 2.35,90, laurdag kom eg i mål på 2.35,59.

Dermed var EM-kravet i boks på 200 meter i år òg.

På 100 meter søndag gjekk det også bra.

1.12,34 er berre eit tidel bak personleg bestenotering og var godt nok til sølv bak ti år eldre Louise Dalgaard frå Danmark, som kom i mål på 1.11.29.

Ariel sin klubb, BCK, blei kåra til stemnets beste klubb.