Lokal | 20. okt. 2017

Søker vidare med dykkarar og hundar

Sakna Alexander Holsen skulle vore i Polen for ti dagar sidan.

Søker vidare med dykkarar og hundar
Tysdag søkte brannvesenet med båt, onsdag var dei ute med dykkarar. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 20. okt. 2017 13:17

Bildeserie:

Sakna: Alexander Holsen. (Privat foto)
Sakna: Alexander Holsen. (Privat foto)
1 av 1
Sakna: Alexander Holsen. (Privat foto)

Politiet driv framleis aktiv etterretning og fysiske søk etter Alexander Holsen (29), som blei meldt sakna med namn og bilde måndag 9. oktober.

– Vi får bistand frå både politiet i Bergen, hundetenesta og Os brann- og redningsvesen. Denne veka har det vore søk med hund i Borgavegen og i dag er det søk med hund frå Tøsdal til delar av Ulvenvegen, fortel politibetent Morten Haugland frå Os lensmannskontor.

– I tillegg har Os brann- og redningsteneste vore ute med båt i Os hamn tysdag og med dykkarar rundt moloane og ved Os Sjøfront onsdag.

Har du opplysingar, små eller store, frå no eller tidlegare, når du politiet på tipstelefon 48002480

Politiet held fram med å få tips i saka, denne veka har det kome inn 5-10 tips, i tillegg ettergår dei fleire av tipsa som har kome inn tidlegare.

Observasjonar

• Alexander blei meldt sakna av familien per telefon fredag 6. oktober.

• Det har kome tips om mogleg observasjon ved Rema 1000 idrettsvegen torsdag 5. oktober.

• Siste sikre observasjon er i Borgavegen i 23.30-tida tysdag 3. oktober. Då gjekk han frå eit festleg lag saman med ein kamerat, og dei to skilte lag i Borgavegen. Sakna bur på Svegane.

Sist mobiltelefonen hans var i bruk var i sommar, sist bankkortet hans var i bruk var i slutten av september.

– At han er ein som ikkje bruker mobiltelefon mykje er med på å gjera søket vanskelegare, seier Haugland.

Skulle til Polen

Sakna hadde reiseplanar. Same dag som leiteaksjonen starta, og etterlysinga kom ut, (9. oktober), skulle han til Polen for å besøkja ein norsk kamerat.

– Han sjekka ikkje inn på flyet og vi har snakka med vedkomande som bur i Polen, Alexander dukka aldri opp, fortel politiet.

Holsen er etterlyst i Schengenområdet.

Politiet har ingen indikasjonar på at Holsen var i vanskar eller konflikt. Dei mistenker heller ikkje at det har skjedd han noko kriminelt.

Var glad i å gå tur

Politiet er takksame for alle som ringer inn tips, og håper folk held fram med å engasjera seg i saka.

– Vi ber òg turgåarar om å vera merksame. Alexander er ein som liker å vera mykje ute, og som går mykje tur, også på fjellet.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.