Sport | 16. mai 2016

Sondre skal triksa for kongeparet

Fotball-freestyler Sondre Ødegård Aksnes droppar NM – skal underhalda dronning Sonja og kong Harald i Bergen i juni.

Sondre skal triksa for kongeparet
Sondre Ødegård Aksnes held ofte show på fotballcupar, som her på Kuventræ i fjor. No skal han visa triksa sine for kongeparet. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 16. mai 2016 09:50

Bildeserie:

Sondre starta heime i garasjen, no er han i noregstoppen. (Foto: KVB)
Sondre starta heime i garasjen, no er han i noregstoppen. (Foto: KVB)
Med seg til Bergen får han Preben K. Lilletvedt. (Foto: KVB)
Med seg til Bergen får han Preben K. Lilletvedt. (Foto: KVB)
1 av 2
Sondre starta heime i garasjen, no er han i noregstoppen. (Foto: KVB)
Med seg til Bergen får han Preben K. Lilletvedt. (Foto: KVB)

Osingen Sondre Ødegård Aksnes, som fyller 18 til hausten, er hyra inn i samband med at kongeparet besøker Bergen i juni.

– Eg fekk førespurnad frå Bergen City Event etter at eg triksa under utdeling av idrettspris i Bergen i fjor, fortel Sondre, som tar med seg treningskamerat Preben Kleppe Lilletvedt på oppdraget.

Kongeparet skal på jubileumsreise med KS «Norge» frå 18. til 29. juni, som ei markering av at dei to har vore Noregs kongepar i 25 år.

Laurdag 25. juni kjem kongeparet til Bergen.

Droppar NM – deltar i VM

Sondre er blant dei beste i Noreg til å triksa. I fjor tok han 10. plass i NM, i år hadde han ambisjonar om å klatra nokre plassar og helst bli tatt inn på landslaget.

Les òg: Tangerte verdsrekorden

– Då bør du nok koma på 8. plass eller betre. Eg har trent mykje og eg ville nok hatt sjansen, trur Sondre.

NM blir arrangert same dag som kongeparet besøker Bergen.

– Eg måtte tenkja meg om eit par dagar, men dette er så stort at eg kunne ikkje seia nei.

I starten av august får han likevel delta i ein stor meisterskap, då er det VM i Tjekkia.

Triksar i bursdagsbesøk og på messer

Fotballsesongen er i gang og cuparrrangørar er blant dei som leiger inn Sondre til å laga show.

– Men det er òg andre som vil ha litt triksing på programmet. I april triksa eg med verdsmeister Azun på sportsmessa Fritt & Vilt i Grieghallen, seinare har eg vore både på Askøy, Kuventræ og Tertnes på oppdrag.

– Neste laurdag er det to oppdrag, då skal eg både triksa i eit bursdagsbesøk og under opinga av ein ny kunstgrasbane, fortel Sondre.

– Sparer du nokre triks til kongeparet?

– Dei skal få sitt eige show, eg og Preben skal verkeleg prøva å gjera det beste ut av det, lover Sondre.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.