Bønes J19 er klare for finale. Madelen Koldal Holme (t.h.) er toppskårar med nær 20 skåringar til no. (Privat foto)

Speler TV2-sendt finale i dag

Madelen K. Holme (15) frå Lysekloster er toppskårar for Bønes J19 i Norway Cup.

Av: Kjetil Vasby Bruarøy

Madelen Koldal Holme, som speler med gutelaget til Lysekloster/Nore Neset, deltar i Norway Cup med Bønes.

– Ho hospiterer på Sandviken saman med blant andre ein spelar frå Bønes, som inviterte ho med til Oslo, fortel pappa Kjell Holme.

Bønes stiller med eit lag i klassen J17/18/19 i sjuarfotball, og det har så langt blitt ei målrik turnering.

50-2 i målforskjell!

Etter tre kampar i puljespelet sto det 41-1 i målforskjell, før dagens finale står det 50-2.

– Det var to jenter i klubben som absolutt ville på sommarcup. Dei fekk samla saman 11 jenter i ulik alder og organiserte alt sjølv. Vi har eit ungt lag, dei tre eldste er 18 år, resten er frå 15 til 17, og dei har aldri spelt 7-arfotball før, fortel Ole Bjørn Brudvik, ein av trenarane.

Landslagsaktuelle Madelen er toppskårar med oppunder 20 skåringar. Landslagsspelaren frå Os har skåra i alle kampar, 6 mål på éin kamp er det meste, og i går sette ho inn 3 av 4 mål i 4-1-siger over Ravn i semifinalen.

– Vi har fleire tekniske spelarar og fokuserer på å spela fin fotball. Det utfører jentene med glans! At vi i tillegg har Madelen med oss er ein bonus, ho har ein strålande teknikk og ein enorm fart, seier Brudvik.

Finalen går mot Askøy klokka 12.40 i dag.

Kampen går på Ekeberg bane 1A og blir sendt direkte på TV2 Sportskanalen og TV2 Sumo.

Fleire saker

bilde-midtsiden

Lite stemte for Os

17. oktober 2017

Det stemte verken framover eller bakover då Os møtte Fyllingen.

bilde-midtsiden

Bil i fjellveggen

17. oktober 2017

Ein mann er køyrd til legevakt etter ulykke nær Nordvik.