Spelte Russland ut av hallen

Familien til Emilie Christensen forrekna seg og satsa på at Noreg skulle bli puljevinnar, men tapet mot Sverige gjorde at kampprogrammet blei annerleis enn det dei hadde rekna med.

I staden for å få med seg åttandelsfinalen og kvartfinalen blei det berre åttandelsfinale på mor, far, søsken og besteforeldre.

– Vi har dessverre booka retur til Noreg etter 1. plass i pulja, så vi får ikkje med oss kvartfinalen mot Russland. Vi må sjå den på TV, fortalte far Lars Christensen til Midtsiden etter åttendelsfinalen kor dei fekk møta yngstedatter Emilie i hallen i Leipzig.

Og for ein kvartfinale det blei.

Noreg hadde tidenes oppvisning i handball og feia over Russland. Til pause leia Noreg 15-8. Russland kunne knapt tru kva som trefte dei.

Den solide innsatsen gjorde at Thorir Hergeirsson kunne sleppa til dei mindre rutinerte på slutten av kampen.

Med fem minutt att av kampen lot han Emilie sleppa til på banen som erstattar for landslagskaptein Stine Bredal Oftedal.

Emilie gjorde seg ikkje bort og Noreg tok ein trygg siger 34-17.

– Vi byrjer å få til eit forsvarsspel som vi må ha på topp internasjonalt nivå, oppsummerte ein nøktern Hergeirsson etter kampen.

Noreg møter Nederland i semifinalen klokka 1730 fredag. Dermed lever håpet for VM-finale i Oshallen søndag.

P.S. Russland var tippa som den sterkaste utfordraren til Noreg i VM...