Stal frå tilsett

Måndag fekk politiet melding om at det hadde vore eit tjuveri på ein byggeplass i Os.

– Det er blitt stole mørtel til ein verdi av 10.000 kroner, fortel politioverbetjent Audun Hadler Olsen.

Politiet har førebels ikkje opplysningar om kven som har utført ugjerninga, men mistenkjer at gjerningsmannen har hatt nøkkel til byggeplassen.

Fann gjerningsmannen

I fem tida måndag fekk politiet melding om eit tjuveri på Amfi Os.

– Ein tilsett i ein av butikkane var blitt frastole mobiltelefon, bankkort og førarkort.

Politiet starta straks-etterforsking og fekk tak i bilde av gjerningsmannen og namnet på vedkomande.

– Vi reiste så heim til mannen og fekk ransaka bustaden. Der fann vi tjugodset og fekk levert det tilbake til eigar, fortel Hadler Olsen.

Gjerningsmannen, som er av utanlands opphav, har vedtatt førelegget og politet reknar saka som oppklart.