Stal lastebil - sperra garasje

Bildeserie:

1 av 2

Politiet fekk fredag morgon ein fortvila telefon frå ein mann som ikkje kom seg ut av garasjen sin i Byvegen.

Grunnen var enkel, på utsida av porten sto ein stor kvit lastebil på tvers.

– Det viser seg at lastebilen er stolen.

– Vi veit ikkje enno frå kor det er tatt, men har vore i kontakt med eigaren som vil anmelda forholdet i Bergen seinare i dag, fortel politioverbetjent Audun Hadler-Olsen.

Patrulja frå lensmannskontoret er i formiddag på staden for å sikra spor og få flytta bilen.

– Vi har ikkje lappen på lastebil sjølv, men skal sørgje for å få den flytta så dei kjem seg ut av garasjeanlegget, fortel patrulja.

Bilen såg relativt uskadd ut, med unntak av eit lys bak som var delvis knust. Om det har skjedd i løpet av nattas ferd eller om det er ei tidligare skade er uvisst.