Vegard i debuten for Bodø/Glimt borte mot Åsane. Osingen Simen Helland Lassen med ryggen til. (Foto: Trond Gausemel, Hordalandsfotball.no)

Stal poeng frå gamleklubben i debuten

Vegard Leikvoll Moberg spelte mot Simen Lassen og Fredrik Heggland då Bodø/Glimt besøkte Åsane.

Av: Kjetil Vasby Bruarøy

Tre osingar var i elden i 90 minutt kvar då Åsane tok imot Bodø/Glimt til andre serierunde i OBOS-ligaen søndag.

Fredrik Heggland er ny hos Åsane, og har gjort positivt inntrykk på trenar Mons Ivar Mjelde. Debuten kom i serieopninga (tapte 2-0 for Tromsdalen), også søndag fekk Fredrik spela frå start og alle 90 minutta.

Vegard Leikvoll Moberg fekk ros etter treningskamp med Bodø/Glimt mot Tromsø, men måtte stå over serieopninga grunna infeksjon i eit sår i tommelen. (Serieopninga enda med 3-2-siger over Kongsvinger, som stilte utan osingen Mats Cato Moldskred, som har ein skade).

Søndag spelte Vegard frå start og heile kampen, der Åsane var best og leia 1-0 til kampen var på overtid.

«Deilig» for motparten

I fjor på denne tida var Vegard Leikvoll Moberg og Kjetil Knutsen leiarar for Åsane, Vegard som kaptein, Kjetil som trenar.

– Det var kjekt å vera tilbake og å treffa gamle kjente, men det er ikkje noko du tenkjer så mykje på i løpet av kampen, seier Vegard til Midtsiden.

Ein og annan påminnar fekk han, som då Åsane sin storspelar Kristoffer Nesse Stephensen ropte «det er så deilig» opp i ansiktet på Vegard etter å ha sett inn 1-0.

– Eg toler det. Det er jo Nesse Stephensen, så då tar eg det med ei klype salt, sa Moberg til Åsane Tidende etter kamp.

Tung kamp i ny rolle

Samtidig seier han at han fekk litt vondt av gamleklubben då Bodø/Glimt utlikna på overtid.

– Vi var ikkje på topp og spelte ikkje like bra som mot Tromsø, så det kjentes ut som om vi stal poenga. Men samtidig så følte eg på meg at vi kom til å skåra i løpet av dei siste minutta. Vi sto høgare i banen og eg synest vi viser styrke når vi står på til siste minutt.

Vegard, som dei siste åra har spelt midtstoppar og defensiv midtbane, blei brukt som indreløpar både i trening mot Tromsø og i debuten mot Åsane.

– Eg trivst i rolla, men kjem nok til å gjera det endå betre når eg er i form igjen. Infeksjonen var i eit bagatellmessig sår, men blei så alvorleg at eg måtte på sjukehus. Etter 10-12 dagar utan trening fekk eg to økter før kampen. Det er den første heile kampen eg har spelt sidan eg var i Åsane i juli, så det var tungt.

Vegard har blitt igjen i bergensområdet etter kampen og slapper av på Skorpo. Men etter to dagar med påskeferie reiser han i morgon til Bodø igjen.

Neste runde for Glimt går heime mot Elverum måndag 2. påskedag. Same dag speler Åsane borte mot Start.

• OBOS: TABELL OG TERMINLISTE

Fleire saker

bilde-midtsiden

Brann imponerte ikkje

24. mai 2017

Eit offensivt Lysekloster viste lite respekt for eliteserielaget Brann i 2. runde i cupen.

bilde-midtsiden

Festen i gang

24. mai 2017

Toppskårar Kristoffer Østervold er klar til å tukta Brann. Her er laga som startar. Oppdatert: Pause i Lysefjorden

bilde-midtsiden

Nor-Mær flaggar heim til Os

24. mai 2017

Etter over 20 år med produksjon av oppdrettsanlegg flyttar Os-selskapet fabrikken til heimbygda.

bilde-midtsiden

Tre på regional talentsamling

24. mai 2017

Nora Johnsen, Stine Eide og Malene Massi Fagertun er teke ut på regional talentsamling i håndball for J2002.

bilde-midtsiden

Første del av ferjefri E39 vedtatt

24. mai 2017

E39 Ferjefri: Stortinget vedtok i går at Rogfast skal byggast. Sjå Statens vegvesen sin animasjonsvideo av heile Ferjefri E39 her.

bilde-midtsiden

Tar Lysekloster på alvor

24. mai 2017

Brann tar ikkje lett på oppgåva når dei møter Lysekloster i 2. runde i cupen onsdag kveld. – Det er eit bra lag, seier Lars Arne Nilsen.