Standup, konsert og fotballprat i eldresenteret

Eirik Søfteland og Olav Skorpen var saman med komikar Jon Hægland med på å gjera fotballkvelden i Os Pensjonistforening ekstra hyggeleg.

image
image
image
image
image
image
image
image
image
image
image
image
image
image
image
Av: Kjetil Vasby Bruarøy

– Eg ser stort sett alle kampane, i kveld vil eg bli litt kjent med spelarane, seier trenarveteran Omar Wold (85).

Det er rundt 20 år sidan legendariske Omar sist trente eit fotball-lag i Os. Han har vore innom fleire klubbar, men har vore mest ivrig på Kuventræ, der han har trent fleire kull frå lilleputt til junior.

– Før kjente eg stort sett alle på A-laget, eg hadde hatt dei i trening då dei var yngre. No håper eg å få eit ansikt på fleire av namna. Vi plar vera i eldresenteret på dagtid i vekene og måtte ha med oss denne kvelden når Os Fotball inviterte.

• Les òg: A-laget lager show for dei eldre

Nye kort på handa

I fjor var det eit lite moteshow, i går var det presentasjon av alle spelarane. Alle frå A-stallen utanom to var på plass, også fleire frå damelaget var med på arrangementet som Os Fotball lager saman med Os Pensjonistforening.

Nytt i år var standup og konsert. Gjestane fekk eit gjensyn med Eirik Søfteland, som i 2013 og 2014 var på TV nesten kvar helg som Idol- og Skal vi danse-deltakar. Med seg hadde han kamerat og bassist Olav Skorpen.

Eirik og Olav lagde allsong på latin (og dansk)!

Nytt var òg standup, der osingen Jon Hægland spøkte om alt frå alderen til Hassan El Fakiri til modellkarriea til Endre Brenne. Han trefte òg godt då han snakka om årsaka til at han ikkje ville feira den internasjonale mannedagen (sidan kvinnene bruker sin til å protestera), då han fortalte om den rikaste 1-prosenten (fiskarar frå Øyane), som ikkje fryktar å bli tatt for urinering på offentleg stad (spanderer gjerne ei bot på politiet òg) - og då han fortalte kva divisjon han meiner Lysekloster høyrer heime i, med brannsår-minner om filten dei ein gong kalte kunstgras.

Søvn og sunn mat

Os Fotball er stolt Eat, Move, Sleep-ambassadør, ein av få utvalte klubbar i Noreg, og dagleg leiar Endre Brenne fortalte om filosofien bak dei tre engelske stikkorda.

– Ein 12-åring sit like mykje i ro som ein pensjonist. Dette ønskjer vi i Os Fotball å gjera noko med.

Også søvn, dette med skjermbruk før leggetid, og gode kosthaldsvaner, var med på programmet.

Etter servering av rundstykker, frå damene i Os Fotball sin kiosk, var det kaffi og - ikkje kaker - men frukt til gjestane.

 

 

Fleire saker

bilde-midtsiden

Finvêret held fram

20. juli 2017

I kveld skal det bli 27 gradar. Dei neste seks dagane ser heller ikkje så verst ut.

bilde-midtsiden

Yrande liv

19. juli 2017

Det tok ikkje lang tid før folk strømma ut og til stranda. Del din sommar på Instagram: #mellomfjordarogfjell

bilde-midtsiden

Notabene blir ARK

19. juli 2017

Frå torsdag finn du ikkje lenger Notabene på AMFI Os. Bokhandlarkjeda ARK har nemleg kjøpt butikken på Os, som ein av 24 i landet.

bilde-midtsiden

Innbrot i barnehage

19. juli 2017

Politiet har gode spor etter innbrot i ein privat barnehage natt til onsdag.

bilde-midtsiden

Mykje stygg køyring

19. juli 2017

Politiet melder om mykje stygg køyring tysdag. Mann i 50-åra tatt utan førarkort.