Steget før landslaget

Bildeserie:

1 av 1

Ho skåra to av måla då Nore Neset vann KM-tittelen med 3-0-siger i finalen i 2016. Same år vann dei Sør Cup, i år har Malin Solstrand Ludvigsen vore med på å ta Nore Neset J14 til både semifinale i Norway Cup (topp 4 av 66 lag) og nok ein KM-finale.

Malin er yngste av tre jenter frå Os som no er tatt ut til landsdelssamling, og som startar 2018 med fire dagar i Østfoldhallen (4. til 7. januar).

«Landsdelssamlingen er det nest øverste nivået i NFFs spillerutviklingsmodell, der neste steg er landslag. Totalt er 50 spillere i hvert årskull tatt ut. Spillerne skal i løpet av samlingen vise seg frem for landslagstrenerne og få skolering med utgangspunkt i fotballforbundets landslagsskole» skriv fotball.no om uttaket.

Også eitt år eldre Madelen Koldal Holme (Sandviken), som i år har spelt fleire kampar for Noreg, og Vilde Drange Veglo (Os), er med i uttaket.

– Vi ønskjer at spelarane skal få referansar og skulering innan det som avgjer fotballkampar. Det som skjer på eigen tredel av banen, i forsvar, og på motstandar sin første tredel, i angrep.

– Det å hindra at motstandaren skaper målsjansar, og det å sjølv skapa sjansar og skåra mål, blir hovudfokus, seier fagansvarleg for landslagsskulen, Håkon Grøttland.

Dei tre jentene frå Os var òg på Statoils Talentleir i juni.