Stoppa for bosskasting - fann dop

Tysdag i 20-tida fekk politiet melding om bosskasting frå bil.

– Det kom mykje boss og mat ut av ein bil på veg over Fanafjellet, frå Bergen til Os, fortel politioverbetjent Audun Hadler-Olsen.

Ein patrulje rykte ut og stoppa bilen i krysset mellom Lyseklostervegen og Langedalen.

– Det var fem unge personar i bilen, ein av dei under 18 år, dei andre litt over. Vi hadde ein samtale med bilførar og passasjer.

Fann dop i bilen

Så blei det oppdaga at det var ulike preparat i bilen, preparat politiet mistenket er ulike dopingmiddel.

– Ein mann i 20-åra, som var passasjer i bilen, er pågripen og sett i arrest, mistenkt for å vera eigar av ulike dopingmiddel.

Verken mistenkte eller bilførar er frå Os.

– Mistenkte skal i avhøyr i dag, opplyser Hadler-Olsen.