Stoppa etter varsel frå publikum

I 21-tida torsdag kveld fekk politiet melding om uvettig køyring i området ved Halhjem.

– Det var bilisten bak som varsla oss om det han meinte var uvettig køyring.

– Patrulja kom seg i posisjon og fekk stoppa bilisten.

– Han erkjende at han hadde køyrd for fort og fekk eit forenkla forelegg, fortel politioverbetjent Audun Hadler-Olsen.

Treng publikum si hjelp

Politioverbetjenten set pris på at publikum varslar når dei ser ting i trafikken som ikkje er som det skal.

– Vi er positive til at folk melder ifrå.

– Målet er å få luka ut uvettig køyring frå trafikken og då treng vi hjelp frå publikum, avsluttar Hadler-Olsen.