Stoppa med sykkel, fann narkotika

Torsdag kveld traff politiet på ein mann i 30-åra trillande på ein sykkel.

– Han gjekk med sykkelen. Ut frå tidlegare historikk fann patrulja ut at dei ville ta ein prat med han. Med bakgrunn i den forklaringa han gav patruljen, så mistenker vi at sykkelen var stolen, fortel politioverbetjent Audun Hadler-Olsen ved Os lensmannskontor.

Det gav politiet grunnlag for å gjennomføre ein ransaking av mannen på staden.

– Då fann patruljen hasj, amfetamin og tablettar på han. Det blei oppretta sak og han blir meldt for dette, avsluttar politioverbetjenten.