Kultur | 20. sep. 2017

Stort Hurrah!! i Solbakkestova

Maesa Pullman og HP Gundersen rigga studio i Os for å spela inn neste album.

Stort Hurrah!! i Solbakkestova
F.v.: Carina Blålid, Maesa Pullman og Hans Petter «HP» Gundersen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 20. sep. 2017 10:47

Bildeserie:

Idyll: Sånn sto Maesa då Midtsiden ankom Solbakken. (Foto: KVB)
Idyll: Sånn sto Maesa då Midtsiden ankom Solbakken. (Foto: KVB)
Solbakkestova var ominnreidd til studio. (Foto: KVB)
Solbakkestova var ominnreidd til studio. (Foto: KVB)
Trommespelar Bjørn Sæther, som bur på Nore Neset, fekk kort veg til jobb. (Foto: KVB)
Trommespelar Bjørn Sæther, som bur på Nore Neset, fekk kort veg til jobb. (Foto: KVB)
Også Torodd Rimstad frå Baronen AS var med og hjelpte til. (Foto: KVB)
Også Torodd Rimstad frå Baronen AS var med og hjelpte til. (Foto: KVB)
Maesa fekk sjå Vidar Mæland sin skulptur av faren, Bill Pullman. (Privat foto)
Maesa fekk sjå Vidar Mæland sin skulptur av faren, Bill Pullman. (Privat foto)
Bassist og produsent Jason Hiller (t.v.) er Maesa sin sambuar. (Foto: KVB)
Bassist og produsent Jason Hiller (t.v.) er Maesa sin sambuar. (Foto: KVB)
HP Gundersen har lenge drøymd om å spela inn i Solbakkestova. (Foto: KVB)
HP Gundersen har lenge drøymd om å spela inn i Solbakkestova. (Foto: KVB)
1 av 7
Idyll: Sånn sto Maesa då Midtsiden ankom Solbakken. (Foto: KVB)
Solbakkestova var ominnreidd til studio. (Foto: KVB)
Trommespelar Bjørn Sæther, som bur på Nore Neset, fekk kort veg til jobb. (Foto: KVB)
Også Torodd Rimstad frå Baronen AS var med og hjelpte til. (Foto: KVB)
Maesa fekk sjå Vidar Mæland sin skulptur av faren, Bill Pullman. (Privat foto)
Bassist og produsent Jason Hiller (t.v.) er Maesa sin sambuar. (Foto: KVB)
HP Gundersen har lenge drøymd om å spela inn i Solbakkestova. (Foto: KVB)

Han har vore forbilde og vegleiar for ei lang rekke artistar, og i nyare tid blitt skamrost for albuma han har gjeve ut med bandet «The Last Hurrah!!». Hans Petter Gundersen og The Last Hurrah!! si plate «Spiritual Non-Believers» blei kåra til årets norske album i 2011.

I 2013 blei han, av skodespelar Viktoria Winge, introdusert for den amerikanske musikaren Maesa Pullman, dottera til skodespelar Bill Pullman (Independence Day, Uten Skrupler m.f.). HP slapp det han hadde i hendene og reiste saman med Maesa til Los Angeles for å laga plate, med Maesa som vokalist for The Last Hurrah!!.

«Melodiene er melk og honning for øret» skriv VG om albumet «Mudflowers» (2015).

Søndag kom Maesa og HP, med band, til Os for å starta innspelinga av neste album.

Gjestmild harmoni

Maesa Pullman and The Last Hurrah! består av Maesa Pullman (vokal, gitar), sambuaren hennar, Jason Hiller (bass), Henrik Paulsen (gitar), Kåre Sandvik (keys), Bjørn Sæther (trommer), David Vogt (fiolin), HP Gundersen (gitar og steel).

– Det er fint å ha kort veg til jobb, seier Bjørn Sæther, som bur på Nore Neset og er frilanstrommis for musikarar som Kurt Nilsen og Maria Mena.

Carina Blålid frå Os, vokalisten som blant anna hadde initiativet til nyinnspelinga av «Song til Os» i 2016, har ordna med det praktiske kring bruken av kunstnar Arne Mæland si Solbakkestova. Carina blei introdusert for HP av Tommy Tee for rundt ti år sidan, og dei to har blitt venar også privat. Hans Petter har dessutan sjølv gode minne frå privat, festleg lag i nettopp Solbakkestova.

– Eg møtte Arne Mæland og må berre seia at han er ei fantastisk sjel. Eg gjekk og fantaserte om å få spela inn musikk i desse omgjevnadane, og då det no ordna seg så er vi overvelda over kor gjestfrie osingane er, seier HP.

Mæland-skulptur av Maesa sin far

Det er ikkje berre dei landlege omgjevnadane, eller den koselege kunstnarstova, som gir Maesa ei kjensle av ro og harmoni.

Då Midtsiden ankom Solbakken måndag sto Maesa i yogapositur i hagen.

– Å ta pausar ute i hagen, blant alle dei flotte skulpturane, gir både inspirasjon og ro i sjela. Korleis du har det når du speler høyrer du igjen i musikken.

Opplevinga av å vera på Ranch Mæland gjekk opp yttarlegare eit hakk då det viste seg at Arne sin son, Vidar, har laga ein skulptur av Maesa sin far.

Bill Pullman har, i tillegg til film, også lang erfaring på teaterscenen, og har blant anna spelt teater i Bergen. Då han hadde hovudrolla som Otello på Den Nationale Scene, lagde Mæland junior ein skulptur av Bill.

– Det er surrrealistisk å koma til Noreg og Os og sjå ein skulptur av sin eigen far! Eg er overraska over kor lik skulpturen er på pappa, og imponert over uttrykket kunstnaren har fått fram!

• Les òg: Mæland-skulptur avduka på Flesland

– Dette er idyll og harmoni, eg er utruleg takksam for at det finst slike plassar og slike folk, at det let seg gjera å flytta studioet til stadar som dette, seier Maesa.

Fast band - ny musikk

– Tidlegare musikk av Tha Last Hurrah!! var noko vanskeleg å gjenskapa live. Dette blir meir eigna for scenen. Låtane er laga på tekstar av Maesa og bandet består av, forutan Maesa sin sambuar, musikarar eg har spelt med i fleire år, ein av dei sidan 70-talet, seier Gundersen.

Maesa er fødd inn i roots-tradisjonen, med alt som høyrer med av blues, country, soul, old time, gospel og bluegrass. For HP Gundersen har americana vore ei avstandsforelsking frå Bergen.

Spelte inn video før avreise

Bandet starta innspelinga her i Os og reiste tysdag vidare til Sunnfjord for neste del. Albumet skal spelast inn i løpet av knappe to veker.

Mens dei har vore i Solbakkestova har Carina Blålid og Vegard Skorpen gjort video-opptak. Musikar og låtskrivar Skorpen har tidlegare laga fleire musikkvideoar.

– Eg er uendeleg takkasam for at eg får knytt band med desse herlege menneska, det er ei ære at dei viser meg tilliten til å få vera til stades under innspelinga av det som kan koma til å bli eit av dei finaste albuma i samlinga mi, seier Carina.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.