Thorvald Trætteberg signerte i kveld for Lysekloster. (Foto: Dagfinn Breivik, Lysekloster il)

Styrkar stallen vidare

– Eg ser etter unge og svoltne spelarar, seier komande trenar Ruben Hetlevik etter Lysekloster sin sjette nysignering. Onsdag kan det koma éin til.

Av: Kjetil Vasby Bruarøy

Thorvald M. Trætteberg (20) går frå Vard Haugesund til Lysekloster, melder lysekloster.no.

– Etter at eg i haust flytta til Bergen for å studera så har eg pendla heim for å spela med Vard, men trent med Åsane, fortel Thorvald til Midtsiden.

Trætteberg, som speler back og har hatt 44 kampar for Vard i toppen av 2. divisjon dei siste to åra, signerte kontrakt måndag kveld.

– Eg kunne jo, etter alt styret med trenarbyte, gått på prøvespel i Åsane i vinter, men eg har eit inntrykk av at Lysekloster både har ambisjonar og driv profesjonelt.

Hetlevik: – Eg er ein fotballnerd

Påtroppande trenar Ruben Hetlevik har førebels berre observert Lysekloster i trening, då Ørjan Sandal har kontrakt ut året. Men han har ikkje halde seg passiv på overgangsmarknaden.

– Eg er ein fotballnerd og følgjer med i fleire divisjonar og fleire avdelingar. Eg kjenner godt til Trætteberg frå før. Han har god fysikk, er spesielt god offensiv og han gjer smarte val.

Ser framleis etter fleire

Lysekloster har til no signert seks nye spelarar, inkludert keeper Frode Moberg Øvredal, som var utan kontrakt i 2016. Fire av dei fem andre har Hetlevik vore involvert i å henta til klubben.

– Vi ser etter spelarar som matchar klubben, spelarar som er unge og ambisiøse. Eg har starta bak, med defensive spelarar, men vi skal framleis ha fleire.

Pedersen, også han frå Vard (og SK Sotra), er førebels einaste nye angrepsspelar. Lysekloster har mista Ståle Steen Sæthre.

– Det er noko uvisse kring nokre av spelarane som er på kontrakt, kor mykje dei kan bidra i 2017, så vi skal framleis ha fleire spelarar. Allereie onsdag kan det koma éin til.

Frå før har Lysekloster fått tak i: Martin Pedersen (21) frå Vard Haugesund og SK Sotra, Joakim Helland (27) frå SK Sotra, Håkon Moldekleiv frå Nest-Sotra og den tidlegare norske landslagsspelaren (G16) Vladan Radojkic frå spanske Hercules Juv.

Midtsiden samleside: Lysekloster fotball

 

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.